InfoHub Logo

تانىمال ءانشى ءالي وقاپوۆ «Taboo» باعدارلاماسىندا ومىرىندەگى قيىن ساتتەردىڭ ءبىرىن ەسكە الدى. ءانشى ايەلىمەن اراداعى العاشقى ءۇزىلىس كەزىندەگى سەزىمدەرىمەن ءبولىستى.

بۇل تۋرالى Infohub.kz اقپارات اگەنتتىگى حابارلايدى.

وتباسىلىق قيىندىقتار

ءالي وقاپوۆ ايەلىمەن اراداعى العاشقى كەلىسپەۋشىلىكتەردى ەسكە الىپ، ولاردىڭ مۇلدەم سويلەسپەي قالعان كەزىن سيپاتتاپ بەردى. «عاشىق بولعانىمدى ۇرىسىپ قالعان كەزىمدە ءتۇسىندىم. مۇلدەم ارالاسپاي كەتتىك. ءقازىردىڭ وزىندە بالام مەن ايەلىم اتىراۋدا. ولار كەتكەندە مەنىڭ ءومىرىمنىڭ بوياۋى كەتىپ قالعانداي بولدى. ءدامسىز، قىزىقسىز بولىپ قالدى. ۇيدە تىپ-تىنىش. سول كەزدە دە ءدال وسىنداي جاعداي بولعان»، – دەدى ءانشى.

اناسىنىڭ اقىل-كەڭەسى

ءانشىنىڭ ايتۋىنشا، ەكەۋى ارالاسپاي كەتكەن كەزدە ءومىرىنىڭ ءمان-ماعىناسى جوعالعانداي بولعان. مۇنى بايقاعان اناسى روزا رىمبايەۆا ۇلىنان جاعدايدى سۇراپ بىلگەن. «جوق، ءبىز ءقازىر ارالاسپايمىز، اجىراپ كەتتىك دەدىم. سوندا انام: «جارايدى بالام، ءوزىڭ بىلەسىڭ. ءبىراق پىكىر رەتىندە ايتايىن. ەركە ماعان ۇنايدى. ول سەنىڭ تەڭىڭ سياقتى»، – دەدى»، – دەپ ءبولىستى ءالي.

تاتۋلاسۋ

اناسىنىڭ سوزىنەن كەيىن ءالي وقاپوۆ ايەلى ەركە ەسماحانعا بارىپ، كەشىرىم سۇراعان. سىرتتا جاڭبىر جاۋىپ تۇرعان سول ءبىر ساتتە ولار تاتۋلاسىپ، قايتادان بىرگە بولعان. «سودان گۇلىمدى الىپ ەركەگە باردىم، كەشىرىم سۇرادىم. دالادا جاڭبىر جاۋىپ تۇردى. تاتۋلاستىق، قۇشاقتاستىق. سودان قايتادان ءومىرىم ءتۇرلى-تۇستى بوياۋعا ەندى»، – دەپ اڭگىمەلەدى ونەر يەسى.