Photo: ۆالەرىي ۆولينسكيي (https://www.pexels.com/@2158518894) / Pexels
ءۇش وڭىردە تاكسي قىزمەتى كۇرت قىمباتتادى
ەلىمىزدە تاكسي قىزمەتىنە دەگەن سۇرانىس پەن باعا بىردەي ءوستى. سوڭعى ءتورت ايدا تاكسيمەن جۇرگەن جولاۋشىلار سانى 70%-عا جۋىق ارتسا، باعا دا ايتارلىقتاي كوتەرىلدى.
بۇل تۋرالى Infohub.kz اقپارات اگەنتتىگى حابارلايدى.
باعانىڭ وسۋىنە نە سەبەپ بولدى؟
Finprom.kz ساراپشىلارىنىڭ زەرتتەۋى بويىنشا، 2026 جىلدىڭ العاشقى ءتورت ايىندا تاكسي قىزمەتىن پايدالانعاندار سانى 69،7%-عا كوبەيگەن. بۇل جالپى جولاۋشىلار تاسىمالىنداعى تاكسيدىڭ ۇلەسىن 11،5%-عا جەتكىزدى. ساراپشىلار مۇنداي ءوسىمدى تاكسي نارىعىنىڭ «كولەڭكەدەن شىعۋىمەن» بايلانىستىرادى. پلاتفورمالىق جۇمىس جۇيەسى ەنگىزىلگەن سوڭ، رەسمي كىرىستەر مەن جولاۋشىلار اعىنى ارتقان.
قاي وڭىرلەردە قىمباتتادى؟
ءساۋىر ايىندا تاكسي باعاسى وتكەن جىلمەن سالىستىرعاندا 16،1%-عا وسكەن. ەڭ جوعارى ءوسىم اقمولا وبلىسىندا بايقالدى – 45،3%. ودان كەيىن الماتى قالاسى (27،3%) جانە اتىراۋ وبلىسى (25،4%) تۇر. استانادا باعا 18%-عا، شىمكەنتتە 10،8%-عا كوتەرىلدى. سولتۇستىك قازاقستان وبلىسىندا ەڭ تومەنگى ءوسىم – 2،2% تىركەلدى.
مامانداردىڭ ايتۋىنشا، سوڭعى ءبىر جىلدا تاكسي باعاسى اي سايىن شامامەن 1-2%-عا ءوسىپ وتىرعان. وتكەن جىلدىڭ ماۋسىم ايىندا ءبىر اي ىشىندە 4،7%-دىق كۇرت ءوسىم بولعان.
باعانىڭ وسۋىنە جانارماي مەن اۆتوكولىك بولشەكتەرىنىڭ قىمباتتاۋى، جۇرگىزۋشىلەر جالاقىسىنىڭ ارتۋى جانە اگرەگاتورلاردىڭ كوميسسياسىنىڭ كوبەيۋى اسەر ەتكەن. سونىمەن قاتار، جەكە تاسىمال قىزمەتىنە سۇرانىستىڭ ارتقانى جانە نارىقتاعى باسەكەنىڭ السىزدىگى ءىرى تاسىمالداۋشىلارعا باعانى كوتەرۋگە مۇمكىندىك بەرگەن.
-
A heartwarming video of a 3-year-old blind boy learning to navigate his world with his mother's love has captured hearts worldwide.
-
Taxi prices in Kazakhstan have risen by 16.1% year-on-year، with Akmola، Almaty، and Atyrau regions experiencing the steepest increases.
