InfoHub Logo

قازاقستاننىڭ حالىق ءارتىسى، تانىمال ءانشى ماقپال ءجۇنىسوۆا جانكۇيەرلەرىنە قۋانىشتى جاڭالىق جەتكىزدى. ول 8 ناۋرىز – حالىقارالىق ايەلدەر كۇنىنە وراي الماتىداعى رەسپۋبليكا سارايىندا وتەتىن ەكى بىردەي جەكە كونسەرتىنىڭ بيلەتتەرى تولىق ساتىلىپ كەتكەنىن مالىمدەدى.

بۇل جاعىمدى جاڭالىقتى ءانشى ءوزىنىڭ الەۋمەتتىك جەلىدەگى پاراقشاسىندا ءبولىسىپ، تىڭدارماندارىنا العىس ايتتى. «اللاعا مىڭ شۇكىرلەر، 8 ناۋرىزداعى ەكى كونسەرتكە دە بيلەتتەر ءوتىپ كەتىپتى. جانكۇيەرلەرىمە كوپ راقمەت. اماندىقتا كەزدەسەيىك، قۇرمەتتى اعايىن!» – دەپ جازدى ول.

جەلى قولدانۋشىلارى بۇل جاڭالىقتى جىلى قابىلداپ، ءانشىنىڭ كونسەرتتەرىن اسىعا كۇتەتىندەرىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

ماقپال ءجۇنىسوۆانىڭ ونەر جولى

ماقپال مۇحامەديار قىزى – قازاق ەستراداسىنىڭ كورنەكتى تۇلعالارىنىڭ ءبىرى. 1963 جىلى قاراعاندى وبلىسىنىڭ قارقارالى اۋدانىندا تۋعان. 1981 جىلدان بەرى «قازاقكونسەرت» بىرلەستىگىنىڭ ءسوليسى رەتىندە ساحنادا.

ول كوپتەگەن حالىقارالىق بايقاۋلاردىڭ باس جۇلدەسىن يەلەنگەن. 22 جاسىندا قازاقستاننىڭ ەڭبەك سىڭىرگەن ءارتىسى، ال 31 جاسىندا قازاقستاننىڭ حالىق ءارتىسى اتاعىن العان.

ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن ونەر يەسى – پروفەسسور، مەملەكەتتىك جانە حالىقارالىق ماراپاتتاردىڭ يەگەرى. ول قازاق ەستراداسىندا ليريكالىق سوپرانو داۋسىمەن، حالىق اندەرى، رومانس جانە دجاز باعىتىنداعى اندەرىمەن تانىمال.

بۇگىندە «قازاق ەستراداسىنىڭ پريمادونناسى»، «ورتا ازيا بۇلب ۇلى» اتانعان ءانشىنىڭ كونسەرتتەرىنە دەگەن جوعارى سۇرانىس – ونىڭ ەل الدىنداعى بەدەلى مەن ۇزاق جىلعى ەڭبەگىنىڭ ايعاعى.