اللاھ بار
ءبىر كىسى ساقالىن الدىرۋ ءۇشىن شاشتارازعا بارادى. ورىندىققا جايعاسىپ ساقالىن الدىرىپ وتىرىپ اڭگىمەلەسە كەتەدى. ءارتۇرلى تاقىرىپتا ءسوز قوزعالىپ، سوزدەن ءسوز شىعىپ، ءبىر مەزەتتە اللاھ، ءدىن تۋرالى اڭگىمە اشىلادى. سوندا شاشتاراز ايتادى:
— مەن سەن ايتقانداي اللاھقا سەنبەيمىن. ەگەر اللاھ بار بولعاندا مۇنشالىقتى دەرت قيىنشىلىقتارعا دۋشار، ءومىرى ماشاقاتقا تولى ادامدار بولماس ەدى. تاستاندى سابيلەر، جەسىرلەر بولماس ەدى. اللاھ بار بولعاندا ەشكىمگە قيىنشىلىق تارتتىرماس ەدى...
كەلگەن كىسى قاجەتسىز پىكىرتالاسقا كىرگىسى كەلمەگەندىكتەن ۇندەمەي قويا سالادى. ساقالىن الدىرىپ بولعان سوڭ ورنىنان تۇرىپ تەرەزەدەن سىرتقا قارايدى. ءدال سول مەزەتتە سىرتتا شاشى ساقالى ءوسىپ كەتكەن ادامدى كورەدى. شاشتارازعا قاراپ:
— بىلەسىڭ بە؟ مەنىڭشە شاشتاراز دەگەن نارسە جوق، — دەيدى.
— و نە دەگەنىڭىز؟ جان-جاقتىڭ بارىندە شاشتاراز قاپتاپ تۇر.
— جوق. ويتكەنى شاشتاراز بار بولعاندا كوشەدە شاشى ءوسىپ كەتكەن ادامدار بولماس ەدى.
— الدىڭىزدا تۇرمىن ەمەس پە شاشتاراز بولىپ، ولار ماعان كەلمەسە، مەنىڭ نە جازىعىم بار؟
— وتە دۇرىس ايتتىڭ! ءسوزدىڭ ءتۇيىنى دە وسى جەردە. اللاھ بار، ال ادامدار وعان بەت بۇرماعان بولسا، بۇل وعان بۇرىلماعانداردىڭ تاڭداۋى. دۇنيەدە مۇنشالىقتى دەرت قيىنشىلىقتاردىڭ بولۋىنىڭ سەبەبى دە وسى... سونداي-اق سەن ايتقان دەرتسىز، قيىنشىلىقسىز، ۇرىس-كەرىسسىز، ماشاقاتسىز ءومىر ءجانناتتا بولادى. بۇل دۇنيە — سىناق...
You Might Also Like
-
ءبىر شاكىرت ۇستازىمەن ەگىن القابىن ارالاپ كەلە جاتادى. كەنەت جول شەتىندە جاتقان توزىعى جەتكەن ءبىر اياق كيىمگە ەكەۋىنىڭ كوزدەرى تۇسەدى.
-
«اقتوبەدەن ەلگە (وڭتۇستىككە) اۋىسىپ كەلگەن كەزىم. ون سوۆحوزدى قۇرامىنا العان اۋىل شارۋاشىلىعى باسقارماسىنىڭ قۇرىلىس ءبولىمىن باسقاردىم.
