الماتى وبلىسىندا 300-دەن كوپ وقۋشىسى بار مەكتەپتەر ونلاين وقيدى
الماتى وبلىسىندا وقۋشى ورنى 300-دەن جوعارى مەكتەپتەر ونلاين وقيدى.
مەكتەپ وقۋشىلارى 17 قاڭتارعا دەيىن دەمالىستا. 17 قاڭتاردان كەيىن 300 ورىنعا دەيىنگى مەكتەپتەر شتاتتىق رەجيمدە جۇمىس ىستەيدى. وقۋشى ورنى 300-دەن جوعارى مەكتەپتەردە وقىتۋ ونلاين رەجيمدە جۇرگىزىلەدى»،- دەلىنگەن ۆەدومستۆونىڭ فەيسبۋك پاراقشاسىنا جاريالاعان حابارلاماسىندا.
بالاباقشالار 17 قاڭتارعا دەيىن جۇمىسىن ۋاقىتشا توقتاتتى. 17 قاڭتاردان كەيىن اتا-انالاردىڭ ءوتىنىشى بويىنشا قىزمەت كورسەتەدى.
ۆەدومستۆونىڭ اقپاراتىنا سايكەس، تومەندەگى نىساندار كورسەتىلگەن ۋاقىت بويىنشا جۇمىس ىستەيدى.
تالدىقورعان قالاسىندا ءىرى جانە شاعىن ساۋدا ورىندارى مەن بازارلار، ءدارىحانالار ساعات 09.00-دەن 20.00-گە دەيىن قىزمەت كورسەتەدى. اكىمدىكتىڭ باسپا ءسوز قىزمەتىنىڭ مالىمەتىنشە، حالىققا قاجەتتى ازىق-تۇلىك، دارى-دارمەك جەتكىلىكتى.
««جەدەل جاردەم» قىزمەتى ۇزدىكسىز جۇمىس ىستەپ تۇر.
جانار-جاعار ماي قۇيۋ بەكەتتەرى اشىق. ەكىنشى دەڭگەيلى بانكتەر ىسكە كىرىستى. بانكوماتتاردا قولما-قول اقشا جەتكىلىكتى.
حالىققا قىزمەت كورسەتۋ ورتالىقتارى ساعات 9.00-دەن 18.00-گە دەيىن جۇمىسقا كىرىستى«،- دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.
ايتا كەتەيىك، الماتى وبلىسىندا كوروناۆيرۋس جۇقتىرعانداردىڭ سانى وتكەن تاۋلىكتە كۇرت ءوستى. 257 ادامنان اتالعان ىندەت انىقتالدى.
You Might Also Like
-
الماتىدا اتا-انالارمەن جانە مۇعالىمدەرمەن كەرى بايلانىس ورناتۋ ءۇشىن ءبىلىم باسقارماسىندا، اۋداندىق ءبىلىم بولىمدەرىندە جانە ءاربىر ءبىلىم بەرۋ ۇيىمدارىندا بىرنەشە call-ورتالىقتارى ىسكە قوسىلادى، وندا س...
