الماتىدا بالاباقشالار جۇمىسىن قاشان باستايدى
الماتىنىڭ ءبىلىم بەرۋ ۇيىمدارى ءۇشىنشى وقۋ توقسانىنىڭ باستالۋىنا قاجەتتى دايىندىق جۇمىستارىن جۇرگىزۋدە. بۇل تۋرالى ونلاين بريفينگتە قالالىق ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى.
ونىڭ ايتۋىنشا، 5 قاڭتاردان باستاپ قالاداعى قالىپتاسقان جاعداي مەن قابىلدانعان قاۋىپسىزدىك شارالارىنا بايلانىستى مەكتەپكە دەيىنگى 860 ۇيىمنىڭ جۇمىسى ۋاقىتشا توقتاتىلعان. ولاردا 71 مىڭنان استام بالا تاربيە، ءبىلىم الادى.
«توتەنشە جاعداي رەجيمى اياقتالعان سوڭ، 20 قاڭتاردان باستاپ بالاباقشالار ءوز جۇمىسىن باستايدى.
بۇل رەتتە قالاداعى ەپيدەميولوگيالىق جاعداي مىندەتتى تۇردە ەسكەرىلەتىن بولادى، سوندىقتان بالاباقشالار كەزەكشى توپ رەجيمىندە جۇمىس ىستەۋى مۇمكىن.
ءبىز اتا-انالار مەن بارلىق قىزمەتكەرلەردى مەكتەپكە دەيىنگى مەكەمەلەردىڭ جۇمىس ءتارتىبى تۋرالى قوسىمشا حاباردار ەتەمىز»، - دەدى ءبىلىم باسقارماسىنىڭ باسشىسى.
You Might Also Like
-
الماتى كوللەدجدەرى جۇمىستارىن 24 قاڭتاردان باستايدى. كوللەدجەر ارالاس وقىتۋ فورماتىندا جۇمىس ىستەيدى، اتاپ ايتقاندا لەكسيا ساباقتارى ونلاين فورماتتا بولسا، پراكتيكالىق ساباقتار سانيتارلىق تالاپتارد...
-
قىزمەت بابىندا قازا تاپقان پوليسيا قىزمەتكەرلەرىنىڭ بالالارىنا گرانت بەرىلەدى. بۇل اسكەري، قۇقىق قورعاۋ جانە ارنايى مەملەكەتتىك ورگان قىزمەتكەرلەرىنىڭ بالالارىنا قاتىستى قولعا الىنعان شارا.
