الماتىدا احمەت جۇبانوۆقا ارنالعان كىتاپ جارىققا شىقتى
الماتىدا قازاق مۋزىكاسىن زەرتتەۋشى كورنەكتى عالىم، كومپوزيتور احمەت جۇبانوۆقا ارنالعان جاڭا كىتاپتىڭ تۇساۋى كەسىلدى.
كىتاپ ءال-فارابي اتىنداعى قازۇۋ-دىڭ «ونەگەلى ءومىر» سەرياسى بويىنشا شىعارىلعان. ايگىلى كومپوزيتور، ونەرتانۋ عىلىمىنىڭ دوكتورى، پروفەسسور احمەت جۇبانوۆقا ارنالعان كىتاپتىڭ تۇساۋكەسەر راسىمىنە اكادەميك اجار جۇبانوۆا، اباي اتىنداعى وپەرا جانە بالەت تەاترىنىڭ ديرەكتورى اسقار بورىبايەۆ، م.اۋەزوۆ اتىنداعى ورتالىق مۇراجايدىڭ ديرەكتورى ديار قونايەۆتار قاتىستى.
احمەت جۇبانوۆتىڭ قىزى اجار جۇبانوۆا كىتاپتىڭ شىعۋىنا مۇرىندىق بولعان ۇلتتىق ۋنيۆەرسيتەتكە جانە دە ۇلەس قوسقان بارشا ازاماتتارعا العىس ايتتى.
«احمەت قۋان ۇلى ءوزىنىڭ سوڭىنان تالاي تالانتتى شاكىرتتەر تاربيەلەپ، قازاقتىڭ مۋزىكا ونەرىنىڭ دامۋىنا تالماي ەڭبەك ەتتى. قازاقتىڭ حالىق مۋزىكاسىن ەرەكشە ءسۇيىپ، ءومىرىنىڭ سوڭىنا دەيىن زەرتتەپ ءوتتى. سوڭىنان كوپتەگەن ەتنوگرافيالىق زەرتتەۋلەر، كوركەم وچەركتەر مەن حالىق شىعارماشىلىعىنان مىڭنان استام ءان مەن كۇيدى جازىپ الىپ، نوتاعا ءتۇسىردى. احمەت جۇبانوۆ قازاق مۋزىكالىق مادەنيەتىن قالىپتاستىرعان تۇلعا، جانە دە بۇگىنگى «ونەگەلى ءومىر» سەرياسىمەن شىققان كىتاپ ۇرپاقتارىمىزعا التىن مۇرا بولىپ قالارى اقيقات»، - دەدى ول.
جيىن بارىسىندا كوپشىلىكتىڭ نازارىنا كومپوزيتوردىڭ ءومىرى مەن شىعارماشىلىعىنا ارنالعان دەرەكتى فيلم كورسەتىلدى.
قازاقپارات
You Might Also Like
-
پارلامەنتىڭىزدىڭ دەپۋتاتى پورماباي دۇنيەمالوۆتىڭ قالايىنشا حالىق قالاۋلىسى قاتارىنا قوسىلعانىن بارشاڭىز بىلەسىزدەر. بىلمەگەنسىپ قوياسىزدار. سايىپ كەلگەندە، كەگەيى كەگجەڭ ءدوڭعالاق-داۋىردىڭ ءدۇمپۋى. دە...
-
ماڭعىستاۋ- كيەلى تۇبەك، تۇنىپ تۇرعان تاريح .كيەلى تۇبەكتىڭ كيەسى نەدە، الىستان ەم ىزدەپ كەلۋشىلەر اۋليە بەكەتى ءپىر تۇتادى، ول قايدان كەلگەن قاسيەت، توڭىرەگى تولا جازۋ دالانىڭ قانداي ادۋىندى داستان ...
