InfoHub Logo

الماتىلىق پەداگوگتار جاڭارتىلعان ءبىلىم مازمۇنىنا سايكەس بولۋ ءۇشىن بىلىكتىلىگىن كوتەرىپ جاتىر.  مۇعالىمدەردىڭ بىلىكتىلىگىنە قاتىستى ماسەلەلەردى  بۇگىن الماتى وڭىرلىك كوممۋنيكاسيالار قىزمەتىندە «ورلەۋ» بىلىكتىلىكتى كوتەرۋ ۇلتتىق ورتالىعى اق الماتى بولىمشەسىنىڭ ءتورايىمى رايسا سادۋاقاسوۆا ايتتى.

بىلتىرعى جاڭالىقتاردىڭ ءبىرى رەتىندە فيزيكا، حيميا، ينفورماتيكا، بيولوگيا پاندەرىن اعىلشىن تىلىندە جۇرگىزۋگە باسىمدىق بەرىلگەن بولاتىن.

وسى ورايدا ۇستازدار اعىلشىن ءتىلىنىڭ كۋرسىن وقىدى.

ولارعا ەكى باعدارلاما بويىنشا: جاڭادان ۇيرەنىپ جاتقان 36 ادامعا - 640 ساعات، جالعاستىراتىن 18 ادامعا 470 ساعات بەرىلگەن بولاتىن.

«18 ءمۇعالىم 2010 جىلدان بەرى ەكسپەريمەنتتە بولدى. بىزبەن بىرگە باستاعان بولاتىن. ولاردىڭ دەڭگەيى ءقازىر ۆ1-گە جەتىپ قالدى. كەيبىر تەرەڭ بىلەتىن مۇعالىمدەر س1 دەڭگەيىن باعىندىردى. 640 ساعاتتى وقىپ شىعۋ ءۇشىن 4 اي ۋاقىت كەرەك. تەك قانا تەوريا ەمەس، پراكتيكالىق ساباقتار وتەدى. وقۋ بىتكەن سوڭ تۇلەكتەر ءبىزدىڭ ينستيتۋتتا اپتاسىنا ەكى رەت ترەنينگ، سەمينارلارعا قاتىسىپ تۇرادى. ءبىزدىڭ ينستيتۋتتا  اعىلشىن تىلىندە سويلەيتىن ماماندار بار»، - دەدى رايسا سادۋاقاسوۆا.

وسى باعىتتا اتالعان ينستيتۋت 2010 جىلدان بەرى جۇمىس جاساپ كەلەدى.

ءقازىر ءبىلىم العان مۇعالىمدەر ساباقتارىن  CLIL مەتوديكاسى بويىنشا جۇرگىزىپ كەلەدى.

ولار www.almaty-pkso.kz سايتىنان وقىتۋ ۆيدەولارىن، ساباق ۋاقىتتارىن، ادىستەمەلىك نۇسقاۋلىقتاردى كورە الادى.

ورلەۋ ينستيتۋتى بىلتىر 120 كۋرستا 3642 ءمۇعالىمدى وقىتتى. العاشقى جارتىجىلدىقتا 2475 ءمۇعالىم وقىتىلدى.

ال بيىل جاڭا ءبىلىم مازمۇنى بويىنشا 81 كۋرستا 2 241 ادام وقىدى.

«2018 جىلى مەكتەپكە دەيىنگى سىنىپتاردى بۋكۆار مەن الىپپەدەن بەرەتىن 125 ءمۇعالىمدى وقىتۋ تۋرالى،  ماتەماتيكا، فيزيكا، حيميا، بيولوگيادان بەرەتىن 125 ءمۇعالىمنىڭ كاسىبي بىلىكتىلىگىن دامىتۋ، «ولكەتانۋ» ساباعى بويىنشا مۇعالىمدەردى دايارلاۋعا مەملەكەتتىك تاپسىرىس ءتۇستى»،- دەدى رايسا سادۋاقاسوۆا.

ال جەكەمەنشىك مەكتەپ مۇعالىمدەرىنە كەلسەك، ولار بىلىكتىلىگىن اقىلى تۇردە ارتتىرادى. ولارعا مەملەكەتتىك تاپسىرىس قاراستىرىلماعان.

بۇگىندە 400 جەكەمەنشىك مەكتەپ ءمۇعالىمى  بىلىكتىلىگىن ارتتىرۋدان وتكەن.

قازاقپارات

---