InfoHub Logo

الماتىلىق وقۋشىلار نورمادان 2-3 ەسە اۋىر سومكە ارقالاپ ءجۇر. بۇل تۋرالى الماتى قالالىق تاۋارلار مەن كورسەتىلەتىن قىزمەتتەر ساپاسى جانە قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا ايتتى.

دەپارتامەنت باسشىسىنىڭ ايتۋىنشا، ءقازىر قالاداعى 254 مەكتەپتە 266769 وقۋشى وقيدى. سونىمەن قاتار، 28 ارنايى ينتەرناتتا 7593 وقۋشى ءبىلىم الىپ جاتىر.

مەملەكەتتىك مەكتەپتەردە بالا سانى تىم كوپ بولعاندىقتان، ورىن جەتىسپەۋشىلىگى 30%-عا جەتتى.

«ءبىرىنشى سىنىپ وقۋشىلارىنىڭ سومكەسى نورمادان 2-3 ەسە اۋىر. ال 5-6 سىنىپ وقۋشىلارىنىڭ سومكەسى قالىپتى كورسەتكىشتەن 3-4 ەسە اۋىر. جالپى 5-سىنىپ وقۋشىلارى ءۇشىن سومكەنىڭ سالماعى 2،5 كەلىدەن اسپاۋى ءتيىس. ال ءقازىر وقۋشىلار 6-9 كەلى سومكە ارقالاۋعا ءماجبۇر. ءبىرىنشى سىنىپ وقۋشىلارىنىڭ سومكەسى 1،5-2 كەلىدەن اسپاۋى ءتيىس. ال شىن مانىندە بالالار 4-4،5 كەلى سومكە كوتەرىپ ءجۇر»، - دەدى باسپا ءسوز ءماسليحاتى بارىسىندا دەپارتامەنت باسشىسى ايزات مولداقاسىموۆا. ونىڭ ايتۋىنشا، مەكتەپ سومكەسىنىڭ سالماعى قالىپتان تىس بولسا سكوليوز، وستەوحوندروز سياقتى اۋرۋلارعا اكەپ سوقتىرۋى مۇمكىن.

---