InfoHub Logo

اتاقتى جازۋشى مۇحتار شاحانوۆتىڭ ەستەلىكتەرىنەن ءۇزىندى جاريالاندى. وندا ول ءوزىنىڭ اعالى-ىنىلىدەي سىيلاس بولعان ءانۇران ءشامشى قالداياقوۆپەن اراداعى قارىم-قاتىناسى، ونىڭ سەبەپتەرى مەن سالدارى تۋرالى باياندادى.

بۇل تۋرالى Infohub.kz اقپارات اگەنتتىگى حابارلايدى.

اعالى-ىنىلىدەي سىيلاستىق

مۇحتار شاحانوۆ اناسىنىڭ ون ءۇش بالاسىنان جالعىز ءتىرى قالعانىن ايتادى. الايدا، اناسى ءاردايىم ءوزىنىڭ ءۇش بالاسى بار ەكەنىن ايتىپ وتىراتىن كورىنەدى: «ۇلكەنى – ءشامشى قالداياقوۆ، ورتانشىسى – تولەگەن ايبەرگەنوۆ، كىشىسى – مۇحتار شاحانوۆ»، – دەپ ماقتانىشپەن اتاپ وتىراتىن بولعان. ءشامشى مەن تولەگەن مۇحتاردان جاسى ۇلكەن بولسا دا، ۇشەۋىنىڭ اراسىندا بەرىك دوستىق پەن سىيلاستىق ورناعان.

ءتىپتى، تولەگەن ايبەرگەنوۆتىڭ ۇسىنىسىمەن ۇشەۋى بىر-بىرىنە ادال بولۋعا، ءومىردىڭ قيىندىقتارىندا قولداۋ كورسەتۋگە انتتاسقان. الايدا، تاعدىردىڭ جازۋىمەن تولەگەن ايبەرگەنوۆ نەبارى وتىز جاسىندا ومىردەن وزدى.

ارازداستىق سەبەبى

تولەگەننىڭ ومىردەن وزۋىنان كەيىن، ءشامشى قالداياقوۆ ونىڭ جارى ءۇرنيساعا ۇيلەنەدى. بۇل جاعداي مۇحتار شاحانوۆقا قاتتى اسەر ەتىپ، ولاردىڭ اراسىندا سالقىندىق تۋدىردى. مۇحتار شاحانوۆ شامشىگە تەلەفون سوعىپ، بۇرىنعى انتتارىن ەسكە سالىپ، بۇل ارەكەتىن تۇسىنبەيتىنىن ايتىپ، قاتتى رەنجيدى.

كەيىننەن ءشامشى قالداياقوۆ پەن ءۇرنيسا مۇحتار شاحانوۆتىڭ ۇيىنە كەلەدى. الايدا، مۇحتار ولاردى ۇيىنە كىرگىزبەي، اراداعى قارىم-قاتىناسقا نۇكتە قويىلعانىن مالىمدەيدى. بۇل جۇبايلىق ءومىر نەبارى ءۇش جىلعا سوزىلعان.

كەشىرىم مەن قايتا تابىسۋ

ۋاقىت وتە كەلە، ءشامشى قالداياقوۆ مۇحتار شاحانوۆتان كەشىرىم سۇراپ، تولەگەننىڭ بالالارىنا قامقورلىق جاساۋ ماقساتىندا ءۇرنيساعا ۇيلەنگەنىن تۇسىندىرەدى. ول تولەگەننىڭ ارۋاعىنان دا كەشىرىم سۇرايتىنىن ايتادى. وسىدان كەيىن ەكى دوس قايتا تابىسىپ، بىرلەسىپ تالاي اندەر جازدى.