الماتى اۋەجايىندا ەر ادام وزىنە قول جۇمساماق بولدى
29 تامىز كۇنى الماتى حالىقارالىق اۋەجايىندا توتەنشە جاعداي تىركەلدى. «الماتى – استانا» رەيسىنىڭ جولاۋشىسى اۋەجاي دارەتحاناسىندا بوتەلكە سىنىعىمەن ءوزىن باۋىزداعان.
قان جوعالتىپ جاتقان ەر ادامدى اۋەجاي قىزمەتكەرلەرىنىڭ ءبىرى بايقاپ، دەرەۋ جەدەل جاردەم شاقىرعان. ءقازىر ول اۋرۋحانادا ەم قابىلداپ جاتىر. دارىگەرلەردىڭ ايتۋىنشا، ونىڭ ومىرىنە ءقاۋىپ جوق.
بەلگىلى بولعانداي، جولاۋشى رەيسىنە وتىرماي، ءتورت ساعات بويى كۇتۋ زالىندا جانە اۋەجاي كافەسىندە وتىرعان. كەيىن دارەتحاناعا كىرىپ، وزىنە قول سالۋعا ارەكەت جاساعان. ونىڭ مۇنداي قادامعا بارۋ سەبەبى انىقتالىپ جاتىر.
ايتا كەتەيىك، جۋىردا عانا الماتى اۋەجايىندا ءوزىن-وزى ورتەپ جىبەرگەن ەر ادامعا قاتىستى جاعداي دا قوعامدا ۇلكەن رەزونانس تۋدىرعان بولاتىن.
You Might Also Like
-
پەريزات قايرات پەن ونىڭ اناسى عايني الاشبايەۆانىڭ قورعاۋشىسى ارمان داۆلەتياروۆ ولاردىڭ ءىسى بويىنشا اپەللياسيالىق شاعىم تۇسىرگەنىن راستادى. ادۆوكاتتىڭ ايتۋىنشا، شاعىمدا ايىپتالۋشىلاردىڭ ارەكەتىندە قىل...
-
تالعاردا حاسان قاسىمبايەۆتىڭ سوتى ءوتىپ جاتىر، دەپ حابارلايدى Infohub.kz.
