InfoHub Logo

الماتى وبلىسى ءبىلىم باسقارماسىنىڭ جاڭا باسشىسى تاعايىندالدى

الماتى وبلىسى اكىمىنىڭ وكىمىمەن تولەۋبەكوۆا ارايلىم اكسۋباي قىزى 2025 جىلعى 21 تامىزىنان باستاپ الماتى وبلىسى ءبىلىم باسقارماسىنىڭ باسشىسى لاۋازىمىنا تاعايىندالدى، دەپ حابارلايدى Infohub.kz.

ول بۇل قىزمەتكە ورنالاسپاس بۇرىن 2025 جىلدىڭ ماۋسىم ايىنان باستاپ الماتى وبلىسى ءبىلىم باسقارماسىنىڭ ىلە اۋدانى بويىنشا ءبىلىم ءبولىمىنىڭ باسشىسى لاۋازىمىندا قىزمەت ەتتى.

ارايلىم اكسۋباي قىزى 1977 جىلى تۋىلعان. ول 2004 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن «باسقا ۇلت مەكتەپتەرىندەگى قازاق ءتىلى مەن ادەبيەتى» ماماندىعى، 2015 جىلى الماتى ۋنيۆەرسيتەتىن «قۇقىقتانۋ» ماماندىعى، 2020 جىلى ايماقتىق الەۋمەتتىك-يننوۆاسيالىق ۋنيۆەرسيتەتىن «ورىس ءتىلى مەن ادەبيەتى» ماماندىعى بويىنشا بىتىرگەن، 2017 جىلى ايماقتىق  الەۋمەتتىك-يننوۆاسيالىق ۋنيۆەرسيتەتىندە «قۇقىقتانۋ» ماماندىعى بويىنشا ماگيستر دارەجەسىن العان.
ەڭبەك جولىن 2001 جىلى ىلە اۋدانى راحات اۋىلىنىڭ №20 ورتا مەكتەبىنىڭ قازاق ءتىلى مەن ادەبيەتى ءپانىنىڭ ءمۇعالىمى بولىپ  باستاعان.
ءار جىلدارى ىلە اۋدانى راحات اۋىلىنىڭ №20 ورتا مەكتەبى ديرەكتورىنىڭ وقۋ-تاربيە ءىسى جونىندەگى ورىنباسارى، №97617 اسكەري ءبولىمىنىڭ وپەراتورى، ىلە اۋدانىنىڭ ءبىلىم جانە سپورت ءبولىمىنىڭ جەتەكشى مامانى، ىلە اۋدانى №4 ورتا مەكتەبى ديرەكتورىنىڭ وقۋ-تاربيە ءىسى جونىندەگى ورىنباسارى، ەنەرگەتيچەسكيي اۋىلدىق وكرۋگى اكىمى اپپاراتىنىڭ جەتەكشى مامانى، ىلە اۋدانى №29 ورتا مەكتەبى ديرەكتورىنىڭ وقۋ-تاربيە ءىسى جونىندەگى ورىنباسارى، «بالاۋسا» بالاباقشاسىنىڭ ادىسكەرى، ىلە اۋدانىنىڭ ءبىلىم ءبولىمىنىڭ ورتالىقتاندىرىلعان بۋحگالتەرلىگىنىڭ زاڭگەرى،  باس مامانى، ءبولىم باسشىسى،  الماتى وبلىسى ءبىلىم باسقارماسىنىڭ قونايەۆ قالاسى بويىنشا ءبىلىم ءبولىمىنىڭ باسشىسى، ەڭبەكشىقازاق اۋدانى بويىنشا ءبىلىم ءبولىمىنىڭ باسشىسى لاۋازىمدارىن اتقارعان.