الماتى وبلىسىندا ءمۇعالىم مەن جاسوسپىرىمگە قاتىستى وقيعا بويىنشا تەرگەۋ باستالدى
الماتى وبلىسى، وتەگەن باتىر اۋىلىنداعى قوناق ۇيلەردىڭ بىرىندە 6 مامىرعا قاراعان ءتۇنى جۇرگىزىلگەن رەيد كەزىندە 33 جاستاعى ازامات پەن 13 جاسار قىز انىقتالدى. اتالعان جاعداي بويىنشا قۇقىق قورعاۋ ورگاندارى تەكسەرۋ باستادى.
تەرگەۋ مالىمەتىنشە، ەر ادام – مۋزىكا ءپانىنىڭ ءمۇعالىمى، قۇرمانعازى اتىنداعى ۇلتتىق كونسەرۆاتوريا تۇلەگى. ول جەرگىلىكتى وقۋشىلار ۇيىندە قوسىمشا ءبىلىم بەرەدى.
قازىرگى ۋاقىتتا ق ر قك 122-بابى ("ون التى جاسقا تولماعان اداممەن جىنىستىق قاتىناس جاساۋ") بويىنشا سوتقا دەيىنگى تەرگەۋ امالدارى جۇرگىزىلىپ جاتىر. تاراپتاردىڭ ايتقاندارى مەن وقيعا ءمان-جايى تولىق انىقتالىپ، قۇقىقتىق باعا بەرىلەدى.
قوناق ءۇي يەسىنىڭ ايتۋىنشا، قىز ءوز ەركىمەن كەلگەن جانە جاسىن جاسىرعان بولۋى مۇمكىن. سونداي-اق، بۇل وقيعاعا دەيىن دە ونىڭ ۇيىنەن كەتىپ قالعانى جانە اتا-اناسى تاراپىنان ىزدەۋ سالىنعانى بەلگىلى بولدى.
قۇقىق قورعاۋ ورگاندارى تەرگەۋدىڭ ءادىل ءارى وبەكتيۆتى جۇرگىزىلەتىنىن مالىمدەدى. كۇدىكتىنىڭ كىناسى دالەلدەنگەن جاعدايدا، زاڭ اياسىندا قاتاڭ جازا قاراستىرىلادى.
You Might Also Like
-
تۇركىستان وبلىسىنىڭ تۇرعىندارى براكونەرلىك ءۇشىن سوتتالدى،دەپ حابارلايدى Infohub.kz.
-
قىرعىزستان پرەزيدەنتى سادىر جاپاروۆ قازاق پەن قىرعىز اراسىنا ىرىتكى سالۋعا تىرىسقان اقپاراتتىق شابۋىلدارعا جاۋاپ بەرىپ، Facebook پاراقشاسىندا ارنايى جازبا جاريالادى. ول ەكى حالىقتى ءبولۋدى كوزدەگەن ...
