سادىر جاپاروۆ: “كەنەسارى – باتىر، ءبىراق قىرعىز جەرىنە باسىپ كىرگەنى – شىندىق
قىرعىزستان پرەزيدەنتى سادىر جاپاروۆ قازاق پەن قىرعىز اراسىنا ىرىتكى سالۋعا تىرىسقان اقپاراتتىق شابۋىلدارعا جاۋاپ بەرىپ، Facebook پاراقشاسىندا ارنايى جازبا جاريالادى. ول ەكى حالىقتى ءبولۋدى كوزدەگەن ارانداتۋشىلارعا قارسى تۇرۋعا شاقىردى.
جاپاروۆتىڭ ءۇن قاتۋىنا «پوليتپروگنوز» YouTube ارناسىندا جاريالانعان «تاينا كەنەسارى حانا» اتتى ۆيدەو تۇرتكى بولعان. اتالعان ۆيدەودا كەنەسارى حان مەن قىرعىز اراسىنداعى قاقتىعىس ماسەلەسى كوتەرىلىپ، تاريحتى بۇرمالاۋ ارەكەتى بايقالعان.
قىرعىز ليدەرى كەنەسارى قاسىم ۇلىنىڭ وتارشىلدىققا قارسى كۇرەسىن مويىنداپ، ونى “ناعىز باتىر” دەپ اتاعانىمەن، ونىڭ قىرعىز جەرىنە باسىپ كىرىپ، سوعان لايىق جاۋاپ العانىن تاريحي شىندىق رەتىندە مويىنداۋ قاجەت ەكەنىن ايتتى.
جاپاروۆتىڭ ايتۋىنشا، كەنەسارى مەن ورمون حاننىڭ اراسىنداعى تەكەتىرەس بيلىك پەن ۇستەمدىك ءۇشىن بولعان. ورمون حاننىڭ اسكەري ايلاسى – «ورمون وپۋزا» ارقىلى قىرعىز اسكەرى جەڭىسكە جەتكەن. پرەزيدەنت شايقاستىڭ ناقتى توكموك ماڭىندا وتكەنىن، ورىس اسكەرىنىڭ قاتىسپاعانىن، بۇل – تازا قازاق-قىرعىز قاقتىعىسى بولعانىن باسا ايتتى.
«قازاق پەن قىرعىز ەجەلدەن تۋىس حالىق. ارامىزدى اجىراتۋعا تىرىساتىن كۇشتەرگە بوي الدىرمايىق. بۇل – بىرلىكتى قاجەت ەتەتىن زامان. مەنىڭ اجەم – قازاق قىزى. ءبىز بىر-بىرىمىزگە جيەن، تۋىس حالىقپىز»، – دەدى ول.
سوڭىندا سادىر جاپاروۆ جاستاردى ارانداتۋشىلارعا ەرمەي، تاريحي ماسەلەلەرگە وبەكتيۆتى باعا بەرۋگە، ەكى ەلدىڭ دوستىعىن نىعايتۋعا شاقىردى.
You Might Also Like
-
ەرنار جيەمبايدىڭ اكەسى جيەمباي پرالييەۆ 21 ءساۋىر كۇنى ورىن العان قايعىلى وقيعاعا بايلانىستى رەسمي مالىمدەمە جاسادى.
-
رەسەي فەدەراسياسىنىڭ پرەزيدەنتى ۆلاديمير پۋتين ۋكرايناعا ەشقانداي شارت قويماستان تىكەلەي كەلىسسوزدەر جۇرگىزۋدى ۇسىندى.
