ۆيدەودان كادر
الماتى وبلىسىندا ۇرىلار ءۇيىر جىلقىنى اتىپ، سويىپ اكەتكەن (ۆيدەو)
بۇل وقيعا جاي عانا مال ۇرلىعى ەمەس، اۋىلدىق جەردەگى قاۋىپسىزدىك ماسەلەسىن قايتا كوتەردى. زارداپ شەككەن فەرمەر قۇزىرلى ورگانداردىڭ جۇمىسىنا كوڭىلى تولمايتىنىن اشىق ايتىپ وتىر.
وقيعا ەڭبەكشىقازاق اۋدانى، بايدىبەك بي اۋىلىنىڭ ماڭىندا ورىن العان. قاسكويلەر جاي عانا ۇرلىق جاساپ قويماي، قولدارىنا قارۋ الىپ، ەكى ءۇيىر جىلقىنى نىساناعا العان. ونىڭ تورتەۋى وقيعا ورنىندا ءتىل تارتپاي كەتسە، قالعان تورتەۋى اۋىر جارالانىپ، قانسىراپ قالعان.
قاراقشىلاردىڭ ارەكەتى تىم قاتىگەز بولعان. ولار اتىپ ولتىرگەن جىلقىلاردى تۇنىمەن سويىپ، تەك ەتىن سىلىپ الىپ كەتكەن. وقيعا ورنىندا تەرىسى مەن باسى عانا قالعان.
زارداپ شەككەن شارۋا قوجالىعىنىڭ يەسى قيزاتتىڭ ايتۋىنشا، ول 4 قاڭتار كۇنى كەشكىسىن مالدارىن تۇگەندەپ، قوجالىق ماڭىنا جيناعان. الايدا، ءتۇن جامىلعان ۇرىلار مالدى الماتى-قورعاس كۇرەجولى اۋماعىنا ءيىرىپ اكەلىپ، وق اتقان.
«تۇندە ۇرىلار جىلقىعا وق جاۋدىرعان. 4 باس جىلقىنى سويىپ، ەتىن الىپ كەتكەن. تاعى 4 جىلقىعا وق ءتيىپ، ءقازىر قورادا قانسىراپ تۇر»، — دەيدى كۇيىنگەن شارۋا.
«ايعاق زاتتار بار، ءبىراق ناتيجە جوق»
ەڭ وكىنىشتىسى، اۋىل تۇرعىندارى پوليسيانىڭ جەدەلدىگىنە كۇمانمەن قاراپ وتىر. تۇرعىندار ءتارتىپ ساقشىلارىن كۇندىزگى ساعات 11:00-دە شاقىرعانىمەن، جەدەل تەرگەۋ توبى وقيعا ورنىنا تەك قاراڭعى تۇسكەندە، ساعات 18:00 شاماسىندا جەتكەن.
فەرمەردىڭ سوزىنە قاراعاندا، وقيعا ورنىندا قىلمىسكەرلەردەن قالعان تەمەكى تۇقىلى، سۋدىڭ قۇتىسى جانە اتىلماي قالعان وقتار تابىلعان. الايدا، جابىرلەنۋشى پوليسيانىڭ ءىستى اشۋعا دەگەن قۇلشىنىسىن بايقاماعانىن ايتادى.
«زاڭ مەن ءتارتىپ ۇستەمدىك قۇراتىن ەلدەگى ارەكەت وسى ما؟ پوليسيا تەك فورمالدى تۇردە جۇمىس ىستەگەندەي بولادى. ادەتتەگىدەي سىلبىر، ءۇنسىز»، — دەپ اشىندى قوجالىق يەسى.
قازىرگى تاڭدا اۋىل تۇرعىندارى ۇرەي قۇشاعىندا وتىر. قارۋلى ۇرىلاردىڭ ەركىندىكتە جۇرگەنى حالىقتى قولداعى ازعانتاي مالىن جايىلىمعا شىعارۋدان قورقۋعا ماجبۇرلەدى.
-
Moscow’s warships are accompanying the tanker Marinera in the North Atlantic، raising stakes for energy shipping and sanctions enforcement after the vessel renamed from Bella 1.
-
كونتراكت دو زاۆەرشەنيا ليگي ناسيي داست سبورنوي كازاحستانا ۆرەميا ي ستابيلنوست دليا پلانيروۆانيا سوستاۆا، سبوروۆ ي تاكتيكي دو جەرەبوۆكي 12 فيەۆراليا 2026 گودا.
