الماتى تاۋلارىندا جوعالىپ كەتكەن 18 جاستاعى قىزدىڭ ءمايىتى تابىلدى
اقپارات تۇسە سالىسىمەن ءتجم-نىڭ اۋماقتىق بولىمشەلەرىنىڭ كۇشتەرى مەن قۇرالدارى، پوليسيا قىزمەتكەرلەرى، رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى، سونداي-اق ەرىكتىلەر دەرەۋ جۇمىلدىرىلدى. وقيعا ورنىندا الماتى قالاسى مەن الماتى وبلىسىنىڭ جەدەل شتابى قۇرىلدى.
ىزدەۋ-قۇتقارۋ جۇمىستارى كەزىندە بۋتاكوۆ سارقىراماسى اۋدانىنان ايەل ادامنىڭ ءمايىتى تابىلدى. كەيىن ءمايىتتى تەڭىز دەڭگەيىنەن 2 100 مەتر بيىكتىكتەن بۋتاكوۆ شاتقالىنداعى باقىلاۋ-قۇتقارۋ بەكەتىنە ءتۇسىرىلىپ، پوليسيا قىزمەتكەرلەرىنە تاپسىرىلدى.
سوت-مەديسينالىق ساراپتاما تاعايىندالدى. بارلىق قاجەتتى ساراپتاما اياقتالعاننان كەيىن مارقۇمنىڭ جەكە باسى تۇپكىلىكتى انىقتالادى.
ىزدەۋ جۇمىستارىنا بارلىعى 73 ادام، 10 تەحنيكا بىرلىگى، 5 ۇشقىشسىز ۇشۋ اپپاراتى جانە 3 كينولوگيالىق ەسەپتوپ تارتىلدى.
You Might Also Like
-
شىمكەنت. 26 تامىز كۇنى ساعات 14:30 شاماسىندا «پەتروقازاقستان ويل پروداكتس» ج ش س مۇناي وڭدەۋ زاۋىتىندا قايعىلى جاعداي بولدى. جۇمىس بارىسىندا اۆتومۇنارا قۇلاپ، ەكى جۇمىسشى قازا تاپتى.
-
اقتاۋدا Asiakoz International Hospital اشىلدى. تۇركيا مەن قازاقستاننىڭ بىرىككەن ءىرى مەديسينالىق جوباسى وڭىرگە قانداي وزگەرىس اكەلەدى؟ تولىعىراق وقىڭىز.
