InfoHub Logo

الماتى جۋرناليستيكاسى جاڭا سەرپىن الۋدا. وڭىرلەردەگى مەديانى وركەندەتۋ جانە ارىپتەستەرمەن تىعىز بايلانىس ورناتۋ ماقساتىندا، ەلىمىزدەگى ستراتەگيالىق ماڭىزى زور ءارى رەسپۋبليكالىق ارنايى ستاتۋسى بار الماتى قالاسىنا باس رەداكتورلار كلۋبىنىڭ رەسمي وكىلى تاعايىندالدى.

بۇل جاۋاپتى قىزمەتكە بەلگىلى مەديامەنەدجەر، «Alatau Aqparat» مەدياحولدينگىنىڭ باس ديرەكتورى ەرجان قالىمباي ۇلى بەكىتىلدى.

ەرجان قالىمباي ۇلى كىم؟

• تانىمال قازاقستاندىق جۋرناليست، مەديامەنەدجەر.

• تۇرىك جانە اعىلشىن تىلدەرىن مەڭگەرگەن.

• ىستامبۇل ۋنيۆەرسيتەتىنىڭ (تۇركيا) دوكتورانتى.

• ەڭبەك جولىن قاراعاندى وبلىستىق «ورتالىق قازاقستان» گازەتىندە قاتارداعى ءتىلشى بولىپ باستاعان.

• «قازاقستان رترك»، «حابار اگەنتتىگى»، «Qazaq radiosy»، «ەلارنا» تەلەارناسى سەكىلدى ءىرى باق-تا جۇمىس ىستەگەن.

• «ULYS» حالىقارالىق ديدجيتال جۋرنالى مەن ulys.kz اقپاراتتىق-ساراپتامالىق سايتىنىڭ نەگىزىن قالاۋشى ءارى باس رەداكتورى.

2023 جىلدان بەرى ول «Alatau Aqparat» مەدياحولدينگىن باسقارىپ كەلەدى. كومپانيا قۇرامىنا:

• «Almaty Aqshamy»،

• «ۆەچەرنيي الماتى» گازەتتەرى،

• aqshamnews.kz، vecher.kz، alnews.kz سايتتارى كىرەدى.

الماتىداعى مەدياعا جاڭا سەرپىن

الماتى – قازاق جۋرناليستيكاسىنىڭ ورتالىعى، مادەنيەت پەن ونەردىڭ استاناسى. ەرجان قالىمباي ۇلىنىڭ تاجىريبەسى مەن كرەاتيۆتى باستامالارى الماتىداعى مەديا سالاسىن جاڭا دەڭگەيگە كوتەرەدى دەپ كۇتىلۋدە.

باس رەداكتورلار كلۋبى الماتىدا جاڭا كەزەڭىن باستادى.
ەرجان قالىمبايۇلىنا جاڭا قوعامدىق قىزمەتىندە تابىس تىلەيمىز!