بەكتەنوۆ جىلىتۋ ماۋسىمىنا دايىندىعى جوق ءبىرقاتار اكىمدەردى سىنادى

سوڭعى جاڭارتۋ

(وزگەرتىلگەن ۋاقىتى 1 ساعات بۇرىن)

بەكتەنوۆ جىلىتۋ ماۋسىمىنا دايىندىعى جوق ءبىرقاتار اكىمدەردى سىنادى

فوتو: ۇكىمەت

26 تام. 2025 15:53
16

بەكتەنوۆ جىلىتۋ ماۋسىمىنا دايىندىعى جوق ءبىرقاتار اكىمدەردى سىنادى

ۇكىمەت وتىرىسىندا پرەمەر-مينيستر ولجاس بەكتەنوۆ جىلىتۋ ماۋسىمى باستالۋىنا 1 ايدان از ۋاقىت قالسا دا قازاقستاننىڭ سولتۇستىك وڭىرلەرى وعان ءالى دايىن ەمەستىگىن اتاپ ءوتتى، دەپ حابارلايدى Infohub.kz.

پرەمەر-مينيستر ءبىرقاتار وڭىرلەردە جوندەۋ جۇمىستارى ۋاقتىلى اياقتالماي قالۋ ءقاۋىپى بار ەكەنىنە نازار اۋدارتتى.

مىسالى، اقمولا وبلىسىندا ستەپنوگورسك جىلۋ ەلەكتر ورتالىعىندا رەزەرۆتىك قازاندىقتى جوندەۋ ءالى اياقتالماعان. ماڭعىستاۋ وبلىسىندا 2ء-شى جەو-دا ەكى تۋربينانى جوندەۋ مەرزىمى اۋىستىرىلدى. سونداي-اق اقتاۋ قالاسىندا جىلۋ جەلىلەرىن جاڭعىرتۋ جۇمىستارىنىڭ قارقىنى تومەن ەكەن. بەكتەنوۆتىڭ ايتۋىنشا، مۇنداي جاعدايلار اكىمدەر تاراپىنان جوسپارلاۋدىڭ ناشار بولۋى مەن قاتاڭ باقىلاۋدىڭ جوق ەكەندىگىن كورسەتەدى.

وسى رەتتە، ەنەرگيا كاسىپورىندارىنىڭ جىلۋ بەرۋ ماۋسىمىنا ازىرلىگىن باعالاۋ كوميسسياسىنىڭ جۇمىسىنا اكىمدەر تىكەلەي وزدەرى قاتىسۋى ءتيىس. نىساندار قىسقا ازىرلىك پاسپورتتارسىز جۇمىستى باستاماۋ كەرەك. ريددەر، كەنتاۋ، ەكىباستۇز جانە اقتاۋ قالالارىنىڭ ەنەرگيا كوزدەرىن ەرەكشە باقىلاۋعا الۋ قاجەت. ازىرلىك پاسپورتى بولماي جىلىتۋ ماۋسىمى باستالاتىن بولسا، كىنالى تۇلعالار جاۋاپقا تارتىلاتىن بولادى»، - دەپ اتاپ ءوتتى ولجاس بەكتەنوۆ.