الماتىدا بازارلاردى جاڭعىرتۋ بارىسى تالقىلاندى
2 مامىردا ق ر ساۋدا جانە ينتەگراسيا ءمينيسترى ارمان شاققالييەۆ الماتىعا جۇمىس ساپارىمەن كەلىپ، بازارلاردى جاڭعىرتۋ ماسەلەلەرى بويىنشا بيزنەس وكىلدەرىمەن كەزدەستى.
كەزدەسۋ بارىسىندا جاڭعىرتۋ كەزىندەگى كەدەرگىلەر مەن ولاردى شەشۋ جولدارى تالقىلانىپ، مينيستر الماتىنىڭ ىشكى ساۋداداعى جەتەكشى ءرولىن ەرەكشە اتاپ ءوتتى. بيىلعى قاڭتار-ناۋرىز ايلارىندا قالادا ىشكى ساۋدا اينالىمى 5،1 ترلن تەڭگەگە جەتىپ، بۇل رەسپۋبليكالىق كولەمنىڭ 36،2 پايىزىن قۇرادى.
ءمينيستردىڭ ايتۋىنشا، الماتىدا 59 بازار بار، ولاردىڭ 70%-ى جاڭعىرتىلعان. وتكەن جىلى التى بازارعا مودەرنيزاسيا جاسالسا، بيىل جىل سوڭىنا دەيىن تاعى 10 بازار جاڭعىرتىلماق. الايدا، التاۋى بويىنشا كەستەدەن كەشىگۋ ءقاۋپى بار. بۇعان جەر پايدالانۋ شەكتەۋلەرى، تەحنيكالىق شارتتار، اكىمشىلىك كەدەرگىلەر جانە قارجىلاندىرۋ تاپشىلىعى سەبەپ.
ارمان شاققالييەۆ جاۋاپتى ورگاندار مەن كاسىپكەرلەر اراسىنداعى ۇيلەستىرۋدى كۇشەيتىپ، جوبالارعا جۇيەلى مونيتورينگ جۇرگىزۋدى تاپسىردى. سونداي-اق، بارلىق بازارلار تەحنيكالىق، ورتكە قارسى جانە سانيتارلىق تالاپتارعا ساي بولۋى ءتيىس ەكەنىن ەسكە سالدى.
مينيستر "Digital Bazar" جوباسىنا دا توقتالىپ ءوتتى. 2024 جىلدىڭ قاراشاسىنان باستاپ ىسكە قوسىلعان بۇل پيلوتتىق جوباعا الماتى قالاسى مەن وبلىسىنان 7 بازار تارتىلىپ، 4 276 كليەنت تىركەلگەن. ەلەكتروندىق ساۋدا، سيفرلىق تولەم جۇيەلەرى جانە قارجىلىق تەحنولوگيالار ساۋدانى اشىق ءارى ىڭعايلى ەتۋدى كوزدەيدى.
«2026 جىلدان باستاپ جاڭعىرتۋدان وتپەگەن بازارلار جۇمىسىن جالعاستىرا المايدى. قاۋىپسىزدىك، اشىقتىق جانە ىڭعايلىلىق – جاڭا ساۋدا ستاندارتىنا اينالۋى ءتيىس»، – دەدى مينيستر.
You Might Also Like
-
شەرزات پولات ءىسى: مارقۇمنىڭ اجەسى سوتتالۋشىلاردىڭ ءبىرىن كەشىردى
-
شىمكەنت قالاسى اكىمىنىڭ ورىنباسارى رۋسلان بەردەنوۆكە جاسالعان قارۋلى شابۋىلدان كەيىن شەنەۋنىككە شۇعىل تۇردە وتا جاسالىپ جاتىر. بۇل تۋرالى ونىڭ پارتيالاسى بەيبىت الىبەكوۆ Telegram-ارناسىندا حابارلادى.
