7 مامىردا استانادا اسكەري شەرۋگە بايلانىستى بىرنەشە كوشە ۋاقىتشا جابىلادى
وتان قورعاۋشىلار كۇنىنە وراي 7 مامىردا استانادا اسكەري شەرۋ وتەدى. وسىعان بايلانىستى قالاداعى ءبىرقاتار كوشەلەردە قوزعالىس شەكتەلەدى، دەپ حابارلادى قالا اكىمدىگى.
ەلوردا تۇرعىندارى مەن قوناقتارى ءۇشىن ءۇش نەگىزگى الاڭنان شەرۋ تىكەلەي كورسەتىلەدى:
- EXPO اۋماعى (تۇركىستان جانە اقمەشىت كوشەلەرى جاعىنان كىرۋ)؛
- قالالىق الاڭ (استانا قالاسى اكىمدىگىنىڭ الدى)؛
- "Astana Music Hall" تۇراق الاڭى (ب.مومىش ۇلى داڭعىلى، 1، قۇمىرا اۋدانى).
شەرۋ اياقتالعان سوڭ، ساعات 12:00–15:00 ارالىعىندا وسى ءۇش الاڭدا ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن مەرەكەلىك كونسەرت وتەدى.
اكىمدىك جول قوزعالىسىنداعى شەكتەۋلەرگە بايلانىستى قالا تۇرعىندارىنا مارشرۋتتارىن الدىن الا جوسپارلاۋعا كەڭەس بەرەدى.
-
قازاقستاندا جەكە پايدالانۋعا ارنالعان تاۋارلاردى شەكارادان وتكىزۋ ءتارتىبى وزگەرەدى. ەندى ءبىرقاتار تاۋار تۇرلەرىنە شەكتەۋلەر ەنگىزىلىپ، ولاردى تەك جىلىنا ءبىر رەت قانا الىپ وتۋگە رۇقسات بەرىلەدى.
-
قازاق ادەبيەتىنىڭ اسا كورنەكتى وكىلى، جازۋشى، دراماتۋرگ جانە كينوسەناريست اكىم تارازي 92 جاسقا قاراعان شاعىندا دۇنيەدەن ءوتتى. قالامگەردىڭ قايتىس بولعانى تۋرالى قارالى حابار قوعامعا اۋىر ءتيدى.
