InfoHub Logo

الماتى قالاسىنىڭ كوممۋنالدىق قىزمەتتەرى الداعى ەكى كۇندە كۇتىلەتىن قاتتى جاڭبىرعا بايلانىستى جوعارى دايىندىق رەجيمىنە كوشىرىلدى. بۇل تۋرالى قالا اكىمدىگىنىڭ مالىمەتىنە سۇيەنىپ، Infohub.kz اقپارات اگەنتتىگى حابارلايدى.

سينوپتيكتەردىڭ بولجامىنا سايكەس، 16 ساۋىردە الماتىدا بۇلتتى اۋا رايى كۇتىلەدى. ساعات 16:00-دەن باستاپ 17 ميلليمەترگە دەيىن نوسەر جاڭبىر، نايزاعاي جانە سەكۋندىنا 15-18 مەترگە دەيىن جەل سوعادى دەپ بولجانۋدا. كۇندىز اۋا تەمپەراتۋراسى +17…+19 گرادۋس جىلى بولادى.

17 ساۋىردە ساعات 11:00-دەن تاۋلىك سوڭىنا دەيىن 12 ميلليمەترگە دەيىن قاتتى جاڭبىر، نايزاعاي جانە جەلدىڭ سەكۋندىنا 18 مەترگە دەيىن كۇشەيۋى كۇتىلەدى. تۇندە تەمپەراتۋرا +8…+10 گرادۋسقا دەيىن تومەندەسە، كۇندىز +11…+13 گرادۋس بولادى.

كوممۋنالدىق قىزمەتتەردىڭ دايىندىعى

قالالىق ينفراقۇرىلىمدى باسقارۋ جانە تۇرعىن ءۇي ينسپەكسياسى باسقارماسىنىڭ اقپاراتى بويىنشا، قالادا «الماتى تازالىق» مقك جانە مەردىگەرلىك ۇيىمداردىڭ قىزمەتكەرلەرى تاۋلىك بويى كەزەكشىلىكتە بولادى. جەدەل ارەكەت ەتۋ ءۇشىن 104 ارنايى تەحنيكا، 74 موتوپومپا جانە 12 يلوسوس ماشيناسى جۇمىلدىرىلعان. ونىڭ توعىزى سۋ باسۋى مۇمكىن ايماقتاردا ورنالاستىرىلعان.

425 جول جۇمىسشىسىنان تۇراتىن 75 جەدەل بريگادا قۇرىلدى. 2300 قاپ قۇم دايىندالدى. جول قىزمەتتەرىنىڭ جالپى تاۋلىكتىك شىعىمى 2710 ادامدى قۇرايدى.

قوسىمشا الماتى قالالىق قۇتقارۋ قىزمەتى كەزەكشىلىك ەتەدى. ونىڭ قاراماعىندا 15 موتوپومپا جانە ءبىر يلوسوس ماشيناسى بار.

توتەنشە جاعدايلار دەپارتامەنتى بويىنشا 53 تەحنيكا جانە 240 قىزمەتكەر جۇمىلدىرىلدى.