tengrinews.kz
الماتىدا ءىرى كولەمدەگى سەل ءجۇردى: زارداپ شەككەندەر جوق
الماتى قالاسىنىڭ بوستاندىق اۋدانىندا 16 ءساۋىر كۇنى كەشكىسىن ءىرى كولەمدەگى سەل ءجۇردى. بۇل تۋرالى Infohub.kz اقپارات اگەنتتىگى حابارلايدى.
وقيعا «رەميزوۆكا» باۋ-باقشا سەرىكتەستىگى اۋماعىندا بولعان. توتەنشە جاعدايلار دەپارتامەنتىنە حابار تۇسكەننەن كەيىن، قۇتقارۋشىلار مەن ماماندار دەرەۋ وقيعا ورنىنا اتتاندى. تەكسەرۋ بارىسىندا قاتتى جاۋىن سالدارىنان توپىراقتىڭ شامادان تىس ىلعالدانىپ، شامامەن 300 تەكشە مەتر كولەمدەگى توپىراق ماسساسىنىڭ جىلجىعانى انىقتالدى.
سەلدىڭ سالدارى
سەل سالدارىنان بىرنەشە ءۇيدىڭ شاتىرى زاقىمدالدى. ابىروي بولعاندا، ادام شىعىنى تىركەلگەن جوق. وقيعا ورنىنداعى جۇمىستارعا 40-قا جۋىق ادام مەن 10 بىرلىك تەحنيكا جۇمىلدىرىلدى. قازىرگى ۋاقىتتا جاعدايدى كوميسسيالىق تەكسەرۋ جالعاسىپ، اۋماقتا تجد جانە پوليسيا قىزمەتكەرلەرى كەزەكشىلىك اتقارۋدا.
تجد ۇسىنىستارى
الماتى قالاسىنىڭ تجد سەل ءقاۋپىن الدىن الۋ ماقساتىندا تۇرعىندارعا ءبىرقاتار ۇسىنىس جاسادى. ولاردىڭ قاتارىندا سەپتيكتەر مەن شۇڭقىرلاردى دۇرىس پايدالانۋ، سۋ قۇبىرلارى مەن درەناجدىق جۇيەلەردىڭ جاعدايىن باقىلاۋ، سونداي-اق اۋماقتا سۋدىڭ جينالۋىنا جول بەرمەۋ جانە جاۋىن-شاشىن سۋىن ۋاقىتىلى بۇرۋ جۇمىستارىن جۇرگىزۋ بار. بۇل شارالار توپىراق جىلجۋىنىڭ الدىن الۋعا جانە توتەنشە جاعدايلاردىڭ تۋىنداۋ ءقاۋپىن ازايتۋعا كومەكتەسەدى.
-
قوردىڭ بۇرىنعى باسشىسى گالىمجان ءابىلوۆ جانە جەكە كلينيكا ديرەكتورى جالعان مەديسينالىق قىزمەتتەر كورسەتكەنى ءۇشىن كىنالى دەپ تانىلدى.
-
الەۋمەتتىك جەلىدە جەكە ومىرىنە قاتىستى بەينەماتەريالدار تاراپ، كوپشىلىكتىڭ تالقىسىنا تۇسكەن اسابا حان جۇبايىمەن بىرگە العاش رەت پىكىر ءبىلدىرىپ، قۋانىشتى جاڭالىعىمەن ءبولىستى.
