InfoHub Logo

الماتى قالاسىندا سۋدى تۇتىنۋ مەن كاناليزاسيا جۇيەلەرىنە قاتىستى جاپپاي تەكسەرۋ باستالدى. بۇل شارالاردىڭ نەگىزگى ماقساتى – سۋدى ۇرلاۋدى جانە ءتيىمسىز پايدالانۋدى انىقتاپ، سۋ رەسۋرستارىن ۇنەمدەۋ.

بۇل تۋرالى Infohub.kz اقپارات اگەنتتىگى حابارلايدى.

ەنەرگەتيكا جانە سۋمەن جابدىقتاۋ باسقارماسىنىڭ حابارلاۋىنشا، قالاداعى سۋ پايدالانۋ سالاسىندا ءتارتىپ ورناتۋ جانە رەسۋرستاردى ەسەپكە الۋدى جاقسارتۋ ءۇشىن قالالىق ينۆەنتاريزاسيا اياسىندا تەكسەرۋ جۇمىستارى جۇرگىزىلۋدە.

تەكسەرىلەتىن نىساندار

«الماتى سۋ» شجق مكك ماماندارى سۋمەن جابدىقتاۋ جانە سۋ بۇرۋ ەرەجەلەرىنىڭ ساقتالۋىن تەكسەرىپ جاتىر. ولار اسىرەسە، سۋدى زاڭسىز پايدالانۋ، ەسەپتەگىشتەرگە ارالاسۋ جانە سۋدى از كورسەتۋ جاعدايلارىنا باسا نازار اۋدارۋدا. سونىمەن قاتار، ينجەنەرلىك جەلىلەردىڭ تەحنيكالىق جاعدايى دا باعالانۋدا. تەكسەرىستەردى جەڭىلدەتۋ ءۇشىن قالا ارنايى ۋچاسكەلەرگە ءبولىنىپ، ءموبيلدى توپتار جۇمىس ىستەۋدە.

ءقاۋىپتى ايماقتاعىلار

سۋدى كوپ تۇتىناتىن ءىرى نىساندارعا ەرەكشە نازار بولىنۋدە. ولاردىڭ قاتارىندا اۆتوجۋىندار، مونشالار، مەيرامحانالار، ساۋدا ورتالىقتارى جانە ونەركاسىپ ورىندارى بار. بۇل ۇيىمدار ءۇشىن سۋدى قايتا پايدالانۋ جۇيەلەرى مەن جەرگىلىكتى تازارتۋ قوندىرعىلارى مىندەتتى بولىپ سانالادى.

قانداي بۇزۋشىلىقتار انىقتالدى؟

العاشقى اپتالاردىڭ قورىتىندىسى بويىنشا 100-دەن استام بۇزۋشىلىق انىقتالدى. ولار:

زاڭ بۇزعاندارعا قاتىستى زاڭناماعا سايكەس شارالار قولدانىلادى. بۇل تۇتىنىلعان سۋدى قايتا ەسەپتەۋدەن باستاپ، قىزمەت كورسەتۋدى شەكتەۋ نەمەسە تولىق توقتاتۋعا دەيىن قامتيدى.

جىل باسىنان بەرى 29 اۆتوجۋىش سۋدى قايتا اينالىمعا ەنگىزۋ جۇيەسىن العاش رەت ورناتسا، تاعى 78 نىسان تۇرمىستىق تاريفتەردەن كوممەرسيالىق تاريفتەرگە اۋىستىرىلدى. سونىمەن قاتار، ينجەنەرلىك جەلىلەرگە 20-دان استام ءوز بەتىنشە قوسىلۋ جاعدايى انىقتالدى.

ەستەرىڭىزگە سالا كەتەيىك، 2025 جىلدىڭ شىلدەسىنەن باستاپ قازاقستاندا جاڭارتىلعان سۋ كودەكسى كۇشىنە ەندى. ول تابيعي رەسۋرستاردى اناعۇرلىم ۇتىمدى پايدالانۋدى كوزدەيدى. سۋدى ەڭ كوپ تۇتىناتىن نىساندارمەن جۇمىس ىستەۋ نەگىزگى باعىتتاردىڭ ءبىرى بولىپ تابىلادى.