InfoHub Logo

الماتى قالاسىندا كافەلەردىڭ جازعى الاڭدارىن ورنالاستىرۋ مەن پايدالانۋعا قاتىستى ەرەجەلەرگە وزگەرىستەر ەنگىزىلۋدە. بۇل باستاما كاسىپكەرلەرگە قولايلى جاعداي جاساۋدى كوزدەيدى.

بۇل تۋرالى Infohub.kz اقپارات اگەنتتىگى حابارلايدى.

قالا اكىمدىگىنىڭ باسپا ءسوز قىزمەتى تاراتقان مالىمەتكە سۇيەنسەك، قالا اكىمى دارحان ساتىبالدىنىڭ قاتىسۋىمەن وتكەن كەڭەستە وسى ماسەلە تالقىلانعان. الماتىداعى كاسىپورىنداردىڭ شامامەن 30 پايىزى جازعى الاڭداردى پايدالانادى ەكەن. الايدا، قولدانىستاعى ەرەجەلەر بۇل الاڭداردىڭ ۋاقىتشا جانە كاپيتالدىق ەمەس سيپاتىن ەسكەرە بەرمەيدى.

جازعى الاڭدارعا جاڭا تالاپتار

بۇل جاعداي نىسانداردى ورنالاستىرۋدى كەلىسۋدە قيىندىقتار تۋدىرىپ، كەيبىر جاعدايلاردا رۇقساتسىز ورناتىلۋىنا سەبەپ بولادى. وسىعان بايلانىستى، كاسىپكەرلىك جانە ينۆەستيسيالار باسقارماسى بۇل راسىمدەردى جەڭىلدەتەتىن ەرەجەلەرگە وزگەرىستەر ەنگىزۋدى باستادى.

الماتىدا 1600-گە جۋىق زاڭسىز ساۋدا نۇكتەسى انىقتالدى

سونىمەن قاتار، قالادا ۋاقىتشا ساۋدا نىساندارىن بۇزۋ جۇمىستارى جالعاسۋدا. مونيتورينگ ناتيجەسىندە 1595 زاڭسىز ساۋدا نىسانى (نتو) انىقتالدى. ونىڭ 509-ى مەملەكەتتىك قور جەرلەرىندە، 210-ى جەكە مەنشىك ۋچاسكەلەردە ماقساتىنا ساي ەمەس ورنالاسقان، ال 876-سى بەكىتىلگەن ديزاين-كود تالاپتارىنا سايكەس كەلمەيدى.

بيلىك وكىلدەرىنىڭ ايتۋىنشا، مۇنداي نىساندار جاياۋ جۇرگىنشىلەرگە كەدەرگى كەلتىرىپ، قالانىڭ ساۋلەتتىك كەلبەتىن بۇزادى جانە تۇرعىنداردىڭ شاعىمدارىنا سەبەپ بولادى. الماتى اكىمى دارحان ساتىبالدى زاڭسىز نىسانداردى جويۋ جۇمىستارىن كۇشەيتىپ، بۇزۋ قارقىنىن جەدەلدەتۋدى تاپسىردى. ول اۋدان اكىمدەرى كۇندەلىكتى بۇزۋشىلىقتاردى انىقتاپ وتىرۋى كەرەكتىگىن، ال جىل باسىنان بەرى نەبارى 157 نىساننىڭ الىنعانىن ايتىپ، بۇل كورسەتكىشتىڭ تومەن ەكەنىن اتاپ ءوتتى.

سونداي-اق، زاڭسىز نىسانداردى ەلەكتر جانە سۋمەن جابدىقتاۋدان اجىراتىپ، پوليسيامەن بىرلەسىپ يەلەرىن جاۋاپقا تارتۋ قاجەتتىگىن ايتتى. قازىرگى تاڭدا الماتىدا ۋاقىتشا ساۋدا نىساندارىن ورنالاستىرۋ ءۇشىن 142 ورىن بەكىتىلگەن. جىل سوڭىنا دەيىن ولاردىڭ سانىن كوبەيتۋ جوسپارلانۋدا.

ەستەرىڭىزگە سالا كەتەيىك، بۇعان دەيىن الماتىداعى تانىمال لاۋنج-باردىڭ جازعى تەرراساسى سوت شەشىمىمەن بۇزىلعان بولاتىن.