InfoHub Logo

الماتى قالاسىنىڭ تۇرعىندارى ساينا كوشەسىندەگى جول جوندەۋ جۇمىستارىنىڭ قالاي جۇرگىزىلىپ جاتقانىنا نازار اۋداردى. الەۋمەتتىك جەلىدە قالالىقتار ەسكى قاپتامانى الىپ تاستاپ، ءدال سونداي جاڭاسىن ورناتىپ جاتقانىنا تاڭدانىس ءبىلدىردى. بۇل جاعدايعا قاتىستى Infohub.kz اقپارات اگەنتتىگى اكىمدىكتەن تۇسىنىكتەمە الدى.

الەۋمەتتىك جەلىدەگى Threads پلاتفورماسىندا جاريالانعان پوست پەن ۆيدەودا ساينا كوشەسىندەگى كوپىردە جوندەۋ جۇمىستارى جۇرگىزىلىپ جاتقانى كورسەتىلگەن. پوست اۆتورى: «الماتىدا ساينا كوشەسىندە قابىرعانىڭ ەسكى قاپتاماسىن نە ءۇشىن الىپ تاستاپ، ءدال سونداي جاڭاسىن جاپسىرىپ جاتىر؟» دەپ جازدى.

پىكىر قالدىرعان قالالىقتار بيلىك جىل سايىن وسىنداي جوندەۋ جۇمىستارىن جۇرگىزەدى دەپ بولجادى. ال كەيبىر پايدالانۋشىلار جۇمىستار كەزىندە بۇزۋشىلىقتار بولۋى مۇمكىن ەكەنىن اتاپ ءوتتى. ولار جۇمىس ورنىندا قاۋىپسىزدىك شارالارىنىڭ ساقتالماعانىن، مىسالى، ەسكەرتۋ بەلگىلەرىنىڭ، تۇندە جارىقتاندىرۋدىڭ جانە جۇمىسشىلاردىڭ ارنايى كيىمدەرىنىڭ جوقتىعىن ايتتى.

اكىمدىكتىڭ جاۋابى

قالا اكىمدىگىنىڭ باسپا ءسوز قىزمەتى Infohub.kz تىلشىسىنە اباي داڭعىلى مەن ساينا كوشەسىنىڭ قيىلىسىنداعى كولىك جول ايىرىعىنىڭ «بۇزىلعان قاپتاماسىن» جاڭارتىپ جاتقانىن حابارلادى. جۇمىستاردىڭ ماقساتى – كولىك جول ايىرىعىنىڭ قىزمەت ەتۋ مەرزىمىن ۇزارتۋ جانە ونىڭ ءقاۋىپسىز پايدالانىلۋىن قامتاماسىز ەتۋ.

«سوڭعى 7 جىل ىشىندە قاپتامادا جارىقتار، ۇگىلۋلەر جانە قاباتتاردىڭ اجىراۋى سياقتى اقاۋلار پايدا بولدى. جۇرگىزىلىپ جاتقان جۇمىستار نىساننىڭ قىزمەت ەتۋ مەرزىمىن ۇزارتۋعا جانە ءقاۋىپسىز پايدالانۋىن قامتاماسىز ەتۋگە باعىتتالعان»، – دەپ ءتۇسىندىردى اكىمدىك وكىلدەرى.

قاپتاما ءۇشىن زاماناۋي، ىلعالعا ءتوزىمدى، تەمپەراتۋرانىڭ وزگەرۋىنە جانە سىرتقى اسەرلەرگە توتەپ بەرە الاتىن ماتەريالدار قولدانىلاتىنى اتاپ ءوتىلدى.

جۇمىس قاۋىپسىزدىگىندەگى كەمشىلىكتەر

سونىمەن قاتار، اكىمدىك جۇمىستاردى جۇرگىزۋ كەزىندە قاۋىپسىزدىك ەرەجەلەرىنىڭ بۇزىلعانىن مويىندادى. مەردىگەر ۇيىممەن بۇل ماسەلە بويىنشا ءتۇسىندىرۋ جۇمىستارى جۇرگىزىلگەن. ەڭبەك قاۋىپسىزدىگى ماسەلەسى ەرەكشە باقىلاۋدا ەكەنى ايتىلدى.

بۇعان دەيىن الماتى تۇرعىندارى ءبىرىنشى پرەزيدەنت ساياباعىنىڭ قارسىسىنداعى جاياۋ جۇرگىنشىلەر كوپىرىنىڭ ءقاۋىپتى جاعدايىنا شاعىمدانعان بولاتىن. سول كەزدە كوپىردىڭ ەدەنىندە 10-نان استام تەسىك انىقتالعان ەدى. كەيىننەن اكىمدىك كوپىردى جوندەۋگە كىرىسىپ، جۇمىستاردى 2026 جىلدىڭ قىركۇيەك ايىنىڭ سوڭىنا دەيىن اياقتاۋدى جوسپارلاپ وتىر.