InfoHub Logo

الماتى پوليتەحنيكالىق كوللەدجىنىڭ ستۋدەنتتەرى اقش-تىڭ حيۋستون قالاسىندا وتكەن روبوتوتەحنيكادان الەم چەمپيوناتىندا (FIRST Tech Challenge World Championship 2026) توپ جاردى. ەكى كوماندامىز دا Reach Award نوميناسياسىندا جۇلدەلى ورىنداردى يەلەندى. بۇل – قازاقستاننىڭ جوعارى تەحنولوگيالار سالاسىنداعى جەتىستىگىن پاش ەتكەن ماڭىزدى جەڭىس.

بۇل تۋرالى Infohub.kz اقپارات اگەنتتىگى حابارلايدى.

جەتىستىكتىڭ العىشارتتارى

بۇل جەڭىس كەزدەيسوق ەمەس. كوماندالار الدىمەن الماتىدا وتكەن Central Asia FIRST Championship چەمپيوناتىندا ب ا ق سىناپ، ۇزدىكتەر قاتارىنان كورىنگەن بولاتىن. ونداعى تاجىريبە مەن قاجىرلى ەڭبەك ولاردى الەمدىك ارەناعا شىعۋعا دايىندادى.

2026 جىل قازاقستاندا سيفرلاندىرۋ جانە جاساندى ينتەللەكت جىلى بولىپ جاريالانعان. ستۋدەنتتەردىڭ بۇل تابىسى ەلىمىزدە بولاشاققا باعدارلانعان ماماندار دايارلانىپ جاتقانىن دالەلدەدى.

بولاشاققا باعىت

FIRST چەمپيوناتىنىڭ جەڭىمپازدارىنا الەمگە تانىمال MIT، Stanford ۋنيۆەرسيتەتتەرى مەن Google، NASA سياقتى الىپ كومپانيالارعا ستاجيروۆكاعا شاقىرىلۋ مۇمكىندىگى تۋادى. بۇل – جاس ماماندار ءۇشىن جاڭا مۇمكىندىكتەر ەسىگىن اشادى.

ستۋدەنتتەردىڭ جارىسقا دايىندىعى ستارتاپ جوبامەن جۇمىس ىستەۋگە تەڭ. ولار كوماندالىق جۇمىس، ۋاقىتتى ءتيىمدى پايدالانۋ جانە قىسىممەن جۇمىس ىستەۋ داعدىلارىن شىڭدادى. سونداي-اق، ولار اقش، ءۇندىستان، ۆەتنام ەلدەرىنىڭ جاس ينجەنەرلەرىمەن بايلانىس ورناتىپ، بولاشاق جوبالارعا جول اشتى.

كوللەدج ديرەكتورىنىڭ پىكىرى

ALMATY POLYTECHNIC COLLEGE ديرەكتورى مەدەت وماربەكوۆ:

«سيفرلاندىرۋ جانە جاساندى ينتەللەكت جىلىندا ءبىزدىڭ ستۋدەنتتەر الەمنىڭ جەتەكشى تەحنولوگيالىق دەرجاۆالارىنىڭ وكىلدەرىمەن تەرەزەسى تەڭ وتكىزدى. ءبىزدىڭ كوللەدج الەمدىك ستاندارتتاعى ماماندار دايارلايتىنىن دالەلدەدىك. قازاقستاندىق روبوتوتەحنيكا تاريحىندا جاڭا پاراق اشقانىمىزدى ماقتان ەتەمىز»، - دەدى.