الماتىلىقتارعا تاۋعا بارماۋ كەرەكتىگى ەسكەرتىلدى،-دەپ حابارلايدى Infohub.kz.

الماتى قالاسىنىڭ توتەنشە جاعدايلار دەپارتامەنتى (تجد) تۇرعىندارعا اۋا رايىنىڭ قولايسىزدىعىنا بايلانىستى تاۋلى ايماقتارعا بارۋدان باس تارتۋعا كەڭەس بەردى.

مامانداردىڭ حابارلاۋىنشا، بۇگىن قالادا قاتتى نوسەر جاۋىن جاۋىپ، نايزاعاي وينايدى، سونداي-اق جەلدىڭ جىلدامدىعى سەكۋندىنا 18 مەترگە دەيىن كۇشەيۋى مۇمكىن. وسىعان بايلانىستى دابىلدى ەسكەرتۋ جاريالاندى.

تجد وكىلدەرى ازاماتتارعا ساقتىق شارالارىن قاتاڭ ساقتاۋعا شاقىرىپ، اۋا رايىنىڭ قولايسىزدىعىن ەسكەرە وتىرىپ، تاۋعا سەرۋەندەۋدى كەيىنگە قالدىرۋدى ۇسىندى. ەگەر تۇرعىندار تابيعات اياسىنا شىعىپ كەتكەن بولسا، قاراڭعى تۇسپەي تۇرىپ قالاعا ورالعان ءجون.

قۇتقارۋشىلار تاۋلى ايماقتاردا اۋا رايىنىڭ تەز وزگەرەتىنىن جانە ءقاۋىپ توندىرەتىن جاعدايلار ءجيى كەزدەسەتىنىن ەسكەرتەدى. سوندىقتان ازاماتتار جولعا شىقپاس بۇرىن رەسمي حابارلامالارعا نازار اۋدارىپ، ءوز قاۋىپسىزدىگىن قامتاماسىز ەتۋى ءتيىس.