التىن قالام
كەشە عانا مەكتەپ تابالدىرىعىنان تۇلەپ ۇشقان، قالامىنىڭ ۇشىنداعى قارىمىمەن دارىنىن تەڭ جەتىلدىرمەك بولىپ، ۇكىدەي ۇلپىلدەگەن ۇمىتتەرىن الاقانىندا ايالاپ ۋنيۆەرسيتەتىمىزگە العاش ستۋدەنت بولىپ تۇسكەن جاستار، سونىڭ ىشىندە قوعامدى ءار قىرىنان جەتە تانىپ كاسىبي دەڭگەيدە جاڭالىقتاردىڭ جارشىسى بولىپ حالىققا جەتكىزۋدى ارمان ماقسات ەتكەن جۋرناليستيكا فاكۋلتەتىمىزدىڭ ستۋدەنتتەرى بۇگىندە تەك وقۋ كۇنىندەگى ءبىلىم اياسىندا ەمەس، ءار ءتۇرلى شارالاردى دا ۇيىمداستىرىپ ۇلگەردى. بۇنىڭ ءبىر ايعاعى ايتا كەتەيىك، وتكەن اپتادا «التىن قالام» اتتى كەشىمىز ءساتتى مارەسىنە جەتكەن بولاتىن.
كەشتى 1 كۋرس ستۋدەنتتەرى ءبىر قولدان دايىنداپ، ۇستازدارمەن جوعارى كۋرستاعى اعا-اپكەلەرىن قۋانتۋعا تىرىستى. ەڭبەكتەرىنىڭ جانعانىنىڭ كۋاسىندەي ۇستازدار جانە ءال-فارابي اتىنداعى ءقازۇۋ-نىڭ اقپارات گازەتىنەن كەلگەن قوناقتار جاقسى باعاسىن بەرىپ، ساتتىلىك تىلەي تاراستى.
كەش شىمىلدىعى اشىلعاننان كەيىن ۇستازدار بارلىعى شەتىنەن تىلەكتەرىن ايتسا، ستۋدەنتتەر ءوز بويىنا ءسىڭىرىپ جاستايىنان ۇشتاعان ءان، بي، كۇي، ولەڭ-جىر وقىپ ورىنداپ ونەرلەرىن ساحنادا كورسەتىپ كورەرمەندەردىڭ شەكسىز ىقىلاسىنا بولەندى. ءبىزدىڭ كينو مەديا ماماندىعىنان 1 كۋرس ستۋدەنتى ماديار بولىسبەك ايگىلى كومپوزيتور، كۇيشى نۇرعيسا تىلەندييەۆتىڭ «ءال-قيسا» كۇيىن شەبەرلىكپەن ورىنداپ جانە قازاق پوەزياسىنىڭ مۇزبالاق اقىنى مۇقاعالي ماقاتايەۆتىڭ سوزىنە جازىلعان «ەسىڭە مەنى العايسىڭ» ءانىن گيتارادا تامىلجىتا ورىندادى. كينو مەديا ماماندىعىنىڭ ستۋدەنتى گۇلاينا امانگەلدى قازاق ايتىس ونەرىنىڭ مايتالمانى رينات زايتوۆتىڭ «قازاقپىن مەن دەپ ماقتانام» ولەڭىن مانەرلەپ وقىپ، جۇرەككە جەتكىزە وقىدى.
4 كۋرس ستۋدەنتتەرى دە قوناق كادەسى رەتىندە ساحنادا ونەر كورسەتىپ، كەشتىڭ تارتىمدىلىعىن ودان ءارى ارتتىردى. اسىرەسە ەسكەندىر حاسانعالييەۆتىڭ «ادەمى-اۋ» ءانىن جاقسىلىق زينەشوۆ ورىنداعاندا ستۋدەنتتەر تىك تۇرىپ شاپالاق سوعىپ، شەكسىز قۇرمەتىن ءبىلردىردى.
كەش سوڭىندا "التىن قالامدى" 4 كۋرس ستۋدەنتتەرى 1 كۋرس ستۋدەنتتەرىنە تابىستاپ وقۋلارىنا تابىس، تەرەڭ ءبىلىم، ستۋدەنتتىك ومىرلەرىنە ساتتىلىك تىلەپ، اقجارما تىلەكتەرىن ايتسا، 1 كۋرس ستۋدەنتتەرى اعا- اپكەلەرىنىڭ الداعى ساپارىنا ساتتلىك تىلەپ، جازارلارىڭىز تاۋسىلماسىن دەپ، وزات وقۋعا ۋادە بەردى.
كەشتە بولعان بارشا ستۋدەنتتەردىڭ ەسىندە ماڭگى قالاتىنداي تاريحي ءسات بولىپ، كوڭىلدى دە ماعىنالى كەش مارەسىنە جەتتى.
ادالبەك شۇعىلا
ءال-فارابي اتىنداعى قازۇۋ
جۋرناليستيكا فاكۋلتەتىنىڭ،
كينو&مەديا ماماندىعىنىڭ
1 كۋرس ستۋدەنتى
You Might Also Like
-
وتكەن اپتا دا ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى، باسپا ءسوز جانە ەلەكتروندى ب ا ق كافەدراسىنىڭ ۇيىمداستىرۋىمەن "التىن قالام" 1 جانە 4 كۋرس ستۋدەنتتەرى قاتى...
-
قازىرگى 21-عاسىردا بيزنەس اشۋ ۇلكەن جاۋاپكەرشىلىك سونىمەن قاتار تاۋەكەلدى دە قاجەت ەتەدى. ونىڭ ءجۇرۋى،اقشانىڭ اينالىمدى بولۋى، اشىپ العانان كەيىن بيزنەستىڭ دامۋى تاعى بار. ەندەشە بيزنەستى قالاي دامى...
