التىن قالام
وسى اپتا دا ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى، باسپا ءسوز جانە ەلەكتروندى ب ا ق كافەدراسىنىڭ ۇيىمداستىرۋىمەن "التىن قالام" 1 جانە 4 كۋرس ستۋدەنتتەرى قاتىسۋىمەن سالتاناتتى كەشى ءوتتى.
جىلداعى ءداستۇرلى ءۇردىس بويىنشا 1 كۋرس ستۋدەنتتەرى ءوز ونەرلەرىن كورسەتتى.
بۇل شارادا رەسپۋبليكالىق ايتىستاردىڭ جەڭىمپازى بەكسۇلتان دارىن ءوز جىر شاشۋىمەن شارانى اشىپ، توبە كورسەتسە، ماديار بولىسبەك قازاقتىڭ قارا دومبىراسىمەن "ءالقيسسا" كۇيىن ناقىشىنا كەلتىرىپ ورىنداپ، گۇلاينا امانگەلدى رينات زايىتوۆتىڭ "قازاقپىن مەن دەپ ماقتانامىن" ولەڭىن ەرەكشە تەبىرەنىسپەن وقىدى.
شارا بارىسىندا اقپارات جانە كوممۋنيكاسيالار دەپارتامەنتىنىڭ ماماندارى، دەكاننىڭ عىلىمي-يننوۆاسيالىق جۇمىس جونىندەگى ورىنباسارى ق.ن.مىسايەۆا، باسپا ءسوز جانە ەلەكتروندى ب ا ق كافەدراسىنىڭ مەڭگەرۋشىسى گ.س.سۇلتانبايەۆا، كافەدرا وقىتۋشىلارى 1 كۋرس ستۋدەنتتەرىنە جۇرەكجاردى تىلەكتەرىن تىلەپ، ۇلكەن ءۇمىت ارتىپ وتقاندارىنان حاباردار ەتتى.
جاڭادان اشىلعان فارابي تەاترى بۇل كەشتەن كەندە ەمەس ەدى. تەاتر جەتەكشىسى ءالقۋات تالعات ۇلى ستۋدەنتتەرگە اسەر ەتەتىن قويىلىم قويىپ، ءسوز سوڭىندا "ارماندارىڭىزدان باس تارتپاڭىزدار!"-دەپ تۇيىندەدى.
كەش سوڭىندا، 4 ستۋدەنتتەرى مەيىرجان جىبەك پەن زينەشوۆ جاقسىلىق 1 كۋرس ستۋدەنتتەرىن قارا شاڭىراققا قادام باسۋلارىمەن قۇتتىقتاپ، جازارلارىڭىز تاۋسىلماي، قالامدارىڭىز مۇقالماسىن دەگەن ىزگى نيەتپەن "التىن قالامدى" تابىس ەتتى.1 كۋرس ستۋدەنتتەرى "التىن قالامدى" قابىل الىپ، ءبىلىم شىڭىنان كورىنۋگە، ەل يگىلىگى ءۇشىن باسەكەگە قابىلەتتى مامان بولىپ شىعۋعا ۋادە بەردى.
باقبەرگەن نۇراي
ءال-فارابي اتىنداعى قازۇۋ جۋرناليستيكا فاكۋلتەتىنىڭ 1 كۋرس ستۋدەنتى
You Might Also Like
-
جۋرناليستيكا – جاھاندانۋدى ەڭ جىلدام جۇرگىزەتىن قوعام سالاسى. 1 جۋرناليست ءوز ومىرىندە ورتا ەسەپپەن 9000عا جۋىق جاڭالىقپەن بولىسەدى. ءار جاڭالىققا كەم دەگەندە 3 ءتۇرلى ماقالا جانە مەديالىق قىزمە...
-
قىمباتتى ......! بارلىق قازاقستاندىقتاردىڭ جانە ءوز اتىمنان سەنى ..................... الەم چەمپيوناتىندا التىن مەدالعا يە بولۋىڭمەن قىزۋ قۇتتىقتايمىن. ءبىزدىڭ ءبارىمىز دە بۇل تاماشا جەڭىستى زور قۇلش...
