Photo: Ayazhan (https://www.pexels.com/@ayazhan-3173683) / Pexels
التىنبەك سارسەنبايەۆتىڭ ولىمىنە 20 جىل: نازاربايەۆقا قاتىستى تىڭ دەرەكتەر جاريالاندى
20 جىل بۇرىن، 11 اقپاندا مەملەكەت جانە قوعام قايراتكەرى التىنبەك سارسەنبايەۆ، ونىڭ كۇزەتشىسى باۋىرجان بايبوسىنوۆ جانە جۇرگىزۋشىسى ۆاسيليي جۋراۆليەۆ قازا تاپتى. وسى داتاعا وراي ساياساتكەردىڭ جاقىندارى جاڭا مالىمدەمە جاساپ، ءىستى قايتا قاراۋ ماسەلەسىن كوتەردى.
بۇل تۋرالى Infohub.kz اقپارات اگەنتتىگى حابارلايدى.
سارسەنبايەۆتىڭ تۋىستارى قازاقستان رەسپۋبليكاسىنىڭ باس پروكۋرورىنا قىلمىستىق ءىستى «جاڭادان اشىلعان ءمان-جايلار» نەگىزىندە قايتا جانداندىرۋ تۋرالى ءوتىنىش جولدادى. ولار تەرگەۋ مەن سوت بارىسىندا ورەسكەل زاڭبۇزۋشىلىقتار بولعانىن جانە كەيبىر ماڭىزدى جايتتارعا ءتيىستى باعا بەرىلمەگەنىن ايتادى.
ءوتىنىشتىڭ مازمۇنىندا ءىس ماتەريالدارىنا قاتىسى بار اۋديوجازباعا سىلتەمە جاسالعان. جازبادا نۇرسۇلتان نازاربايەۆقا تيەسىلى دەلىنگەن: «ءىس بويىنشا ءبارى دالەلدەنگەن، الاڭداۋدىڭ قاجەتى جوق، ءبىر ايدان كەيىن سوتقا بەرىلەدى، حالىق بۇگىن ايتادى دا، ەرتەڭ ۇمىتادى» دەگەن سوزدەر بار.
سارسەنبايەۆتىڭ جاقىندارى بۇل جايت سوت ۇكىمىنىڭ الدىن الا بەلگىلەنگەنىن مەڭزەيدى. ولاردىڭ ايتۋىنشا، سوت باستالماي تۇرىپ-اق شەشىم قابىلدانىپ قويعان، ال سوت پروسەسى تەك قوعام نازارىنا ارنالعان كورىنىس بولعان.
نازاربايەۆتى جاۋاپقا تارتۋ تالابى
تۋىستار بۇل اۋديوجازبانىڭ ءوزى ۇكىمدى قايتا قاراۋعا نەگىز بولا الاتىنىن العا تارتادى. ولاردىڭ پىكىرىنشە، وسى ماسەلە بويىنشا قازاقستاننىڭ تۇڭعىش پرەزيدەنتى نۇرسۇلتان نازاربايەۆ جاۋاپقا تارتىلۋى ءتيىس.
سارسەنبايەۆتىڭ جاقىندارى بۇل قىلمىستى «ساياسي تەررور اكتىسى» دەپ باعالاپ، ەكس-پرەزيدەنتتىڭ وتباسى مۇشەلەرىن دە قىلمىستىق جاۋاپكەرشىلىككە تارتۋ ماسەلەسىن كوتەرگەن.
-
ۆ اتىراۋسكوي وبلاستي ۋتۆەرجدەنى نوۆىە، بولەە نيزكيە تاريفى نا كوممۋنالنىە ۋسلۋگي. ۋزنايتە، كاك ەتو پوۆلياەت نا ۆاشي راسحودى.
-
Relatives of assassinated politician Altynbek Sarsenbayev are demanding a reinvestigation، citing new evidence and alleged involvement of former President Nursultan Nazarbayev.
