tengrinews.kz
امەريكالىق ساياحاتشىنىڭ قازاقستانعا قاتىستى شاعىمى جالعاسىن تاپتى
امەريكالىق تريەۆەل-بلوگەر كوننوردىڭ قازاقستانعا كەلگەندە ەشكىم قارسى الماعانى تۋرالى ايتقان شاعىمىنان كەيىن جاعداي وزگەرىپ، ساياحاتشى ەلدى ارالاۋدى جالعاستىردى. ول جاڭا اسەرلەرىمەن ءبولىسىپ، مارشرۋتىن ۇيىمداستىرۋعا كورسەتكەن كوڭىل مەن كومەككە العىس ءبىلدىردى.
بۇل تۋرالى Infohub.kz اقپارات اگەنتتىگى حابارلايدى.
ءىس نەدەن باستالدى؟
بۇعان دەيىن الەۋمەتتىك جەلىدە @camperghini لاقاپ اتىمەن تانىمال امەريكالىق اۆتوساياحاتشى كوننوردىڭ ۆيدەوسى قىزۋ تالقىلانعان بولاتىن. ول قازاقستانعا ءوز كولىگىمەن كەلگەنىن جانە ساپارى بىرنەشە اي بويى جوسپارلانعانىن ايتقان ەدى. بلوگەردىڭ سوزىنشە، ونى شەكارادا قارسى الادى دەپ كۇتكەن، الايدا بۇل ورىندالماعان.
«ءسىزدى رەسمي تۇردە ءبىر ەلگە شاقىرىپ، بىرنەشە اي بويى جوسپارلاردى تالقىلاپ، كەلىسىمدەر جاساعاننان كەيىن، كەلگەن كۇنى تۋريزم مينيسترلىگى ءسىزدى ۇمىتىپ كەتەدى دەپ ەلەستەتە الاسىز با؟ ونىڭ ورنىنا ءبىزدى ەشكىم قارسى المادى. ءتىپتى، ءبىز ەلگە نە ءۇشىن كىرىپ جاتقانىمىزدى سۇراپ جاۋاپ الدىق»، - دەگەن ەدى ول.
بۇل مالىمدەمەلەر الەۋمەتتىك جەلىدە تەز تارالىپ، كوپشىلىكتىڭ نازارىن اۋداردى. قازاقستان تۋريزم جانە سپورت مينيسترلىگى رەسمي تۇردە بلوگەرگە ەشقانداي شاقىرۋ جىبەرىلمەگەنىن حابارلادى.
ساياحاتشى نە ايتتى؟
جاعداي تەز ارادا وزگەرىپ، ساياحاتشىنىڭ ساپارى وڭ باعىتتا جالعاستى. كوننور جاڭا ۆيدەو جاريالاپ، الماتىداعى ساۋدا ورتالىعىندا تۇنەگەنىن ايتتى. سونداي-اق، ول قازاقستاندىق بلوگەر بايان الاگوزوۆانىڭ ۇيىنە قوناققا بارىپ، بىرگە تۇسىرىلگەن ۆيدەو الەۋمەتتىك جەلىدە پايدا بولدى.
بلوگەردى قازاقستاندىق بلوگەرلەر، سونىڭ ىشىندە ارتۋر اسقار ۇلى باستاعان توپ مونشاعا دا شاقىردى. بۇل كەزدەسۋلەردىڭ دە ۆيدەولارى الەۋمەتتىك جەلىدە جاريالاندى. ونىڭ ساپارىنىڭ ءبىر بولىگى توتەنشە جاعدايلار مينيسترلىگىنىڭ جۇمىسىمەن تانىسۋ بولدى. وعان ىزدەۋ-قۇتقارۋ وپەراسيالارىندا قولدانىلاتىن تەحنيكالار كورسەتىلدى. مينيسترلىك مالىمەتىنشە، بلوگەرگە Tesla Cybertruck جانە مامانداندىرىلعان جەدەل جاردەم كولىگى سياقتى يننوۆاسيالىق ۇلگىلەر قىزىعۋشىلىق تۋدىرعان.
كوننور قازاقستانمەن تانىسۋدى قىزىعۋشىلىقپەن جالعاستىرعانىن جانە ساپارىنان وڭ اسەر العانىن اتاپ ءوتتى. ول الماتى مەن الماتى وبلىسىنىڭ بىرنەشە تانىمال جەرلەرىن ارالاپ، ساپارى تۋرالى ۆيدەو ءتۇسىرىپ، كەيىننەن ۇيىمداستىرۋشىلارعا العىس ءبىلدىردى.
-
پرەزيدەنت كازاحستانا كاسىم-جومارت توكايەۆ پرويزۆەل رياد نازناچەنيي، كاسايۋششيحسيا ديپلوماتيچەسكوگو كورپۋسا سترانى.
-
ەلىمىزدە ازىق-تۇلىك الداۋى كەڭ ەتەك الىپ، تۇتىنۋشىلار ساپاسىز ونىمدەرگە تاپ بولىپ جاتىر. ساراپشىلار بۇل جاعدايدىڭ سەبەپتەرى مەن سالدارىنا توقتالدى.
