InfoHub Logo

7 سىنىپ. ورتا عاسىرلارداعى قازاقستان تاريحى
ساباقتىڭ تاقىرىبى: §26. ءامىر تەمىردىڭ باسقىنشىلىق جورىقتارى (پرەزەنتاسياسىمەن)
ساباقتىڭ ماقساتتارى:
1. بىلىمدىلىگى: وقۋشىلارعا ءامىر تەمىر جايلى، ونىڭ جورىقتارى جانە قازاق حالقىنا اكەلگەن زارداپتارى تۋرالى ءتۇسىندىرۋ.
2. تاربيەلىگى: تاقىرىپتى ءتۇسىنىپ وقۋعا، تاريحي وقيعالاردى سارالاي بىلۋگە، قورىتىندى جاساۋدا تاريحي جانە ساياسي ساۋاتتى بولۋعا تاربيەلەۋ.
3. دامىتۋشىلىعى: ءامىر تەمىر جايلى دەرەكتەردى قاراستىرىپ تاريحي تالداۋ جاساۋدا ءبىلىم، بىلىك داعدىلارىن دامىتۋ.
ساباقتىڭ ۇرانى: كوك ءتاڭىرى – ءتاڭىرىنىڭ،
تۇقىمى جوق، زاتى جوق.
جەر ءتاڭىرىسى تەمىردىڭ،
تۇقىمى تۇرىك، زاتى وت.
م. جۇمابايەۆ
ساباقتىڭ ءتۇرى: جاڭا ءبىلىمدى قالىپتاستىرۋ.
ساباق ءادىسى: وقۋشىلارمەن ىنتىماقتاستىقتى قالىپتاستىرۋ، سۇراق – جاۋاپ، بايانداۋ، اڭگىمەلەۋ، ەسكە ءتۇسىرۋ جانە ت. ب. وقىتۋ ادىستەرىن قولدانۋ.
ءپانارالىق بايلانىس: قازاق ادەبيەتى
ساباقتىڭ كورنەكىلىگى: تاقىرىپقا ارنالعان سلايدتار، «ءامىر تەمىردىڭ جورىقتارى» كارتاسى « XIV – XV عاسىردىڭ I جارتىسى قازاقستان اۋماعىنىڭ مەملەكەتتىك قۇرىلىمدارى» كارتاسى.

ساباقتىڭ بارىسى:
I. ۇيىمداستىرۋ كەزەڭى.

II. جاڭا ساباق.
جوسپار
1. ءامىر تەمىردىڭ ءومىربايانى.
ا) ءامىر تەمىردىڭ گەنەولوگياسى.
ءا) دۇربەلەڭ زاماننىڭ تۇلعالارى. ءامىردىڭ ۇرپاقتارى.
ب) ءامىر تەمىر جايلى ءبىز بىلەتىن جانە بىلمەيتىن جاعدايلار (وقۋشىلار ىنتىماقتاستىعىمەن تالدانادى)
ۆ) ءامىردىڭ ەلتاڭباسى، تۋى جانە ۇرانى
2. ءامىر تەمىردىڭ التىن وردا جەرىنە جاساعان جورىقتارى (كارتامەن جۇمىس)
3. ءامىر تەمىردىڭ موعولستان حاندىعىنا جورىقتارى (كارتامەن جۇمىس)
4. ءامىر تەمىر جورىقتارىنىڭ زارداپتارى (كەستە)
5. ءامىردىڭ قازاق ەلىندەگى تاريحي ىزدەرى جانە قاعيدالارى (سلايدتار)
وقۋشىلارعا سلايد ارقىلى ءامىر تەمىردىڭ شىققان ورتاسى، كورشى ەلدەرمەن قارىم - قاتىناسى جانە جاۋگەرشىلىك جورىقتارى جايلى ءتۇسىندىرۋ.
ءار زامانداعى قولباسشىلارمەن بيلەۋشىلەرىنىڭ جاۋگەرشىلىك ارەكەتتەرىنە تالداۋ جاساپ، وقۋشىلارعا سالىستىرتۋ.
ءامىر تەمىر جايلى ءبىز بىلەتىن جانە بىلمەيتىن جاعدايلار تۋرالى سلايد سىزبانى قولدانا وتىرىپ وقۋشىلارمەن ىنتىماقتاسا تولتىرۋ.
ءامىر تەمىر جايلى نە بىلەمىز؟
1. تۇركى حالقىنىڭ ۇرپاعى.
2. 27 ەلدى بيلەگەن.
3. 35 جىل بيلىك قۇرعان جانە ت. ب. سلايدتان تولىق كورۋگە بولادى.
ءامىر تەمىردىڭ التىن وردا جەرىنە جاساعان جورىقتارىن تۇسىندىرۋدە وقۋشىلارعا تومەندەگىدەي سۇراقتار قويىلادى. (كارتامەن جۇمىس).
1. التىن وردانىڭ اۋماعىن كورسەتىڭدەر.
2. التىن وردامەن كورشىلەس ەلدەردى كورسەتىڭدەر.
3. نەلىكتەن تەمىر اق وردانى السىرەتۋگە تىرىستى؟
موعولستان حاندىعىنا 1371 - 1372جج جاسالعان ءامىر تەمىردىڭ جورىقتارى تۇسىندىرىلەدى. (كارتامەن جۇمىس)
وقۋشىلاردىڭ كومەگىمەن ءامىر تەمىردىڭ جورىقتارىنىڭ زارداپتارى جايلى سىزبا كەستە تولتىرىلادى. (سلايد)
ءامىر تەمىردىڭ قازاق ەلىندەگى تاريحي ىزدەرى جانە قاعيدالارى سلايد بويىنشا تالداۋ جۇمىسى جۇرگىزىلەدى
1. قوجا احمەت ياسساۋي كەسەنەسى قاي قالادا ورنالاسقان؟
2. عيماراتى نەشىنشى عاسىردا سالىنعان؟
3. نەشە بولمەدەن تۇرادى؟
4. نەشىنشى عاسىردان باستاپ ايگىلى ادامدار وسى كەسەنەگە جەرلەنە باستادى؟
5. تۇركىستان نەلىكتەن رۋحاني استانا دەپ اتالدى؟
6. نەگە «ەكىنشى مەككە» دەپ اتالادى؟
ءامىردىڭ 12 قاعيداسى بويىنشا تالداۋ جاسالىپ، جالپى تۇركى جانە قازاق حالقىنىڭ بويىندا بار ورتاق قاسيەتتەر تۋرالى ايتىپ ءتۇسىندىرۋ.
بايدىبەك ءبيدىڭ ايەلى كورىپكەل دومالاق انا نەمەسە ءنازيرا انانىڭ ءامىردىڭ ءولىمى تۋرالى ەسكەرتكەنى، ءامىردىڭ شىنىندا دا 1405ج وتىراردا قايتىس بولعانىن ءتۇسىندىرۋ.

III ساباقتى بەكىتۋ.
ءامىر تەمىر جايلى حالىقتىڭ تەڭەۋلەرى مەن ءبىزدىڭ پىكىرىمىز سلايدىن تولىقتىرۋ. سلايدتىڭ وڭ جاعىن وقۋشىلار تولتىرادى.
وقۋشىلارعا «ءتۇرتىپ الۋ» كەستەسى ۇسىنىلادى

ساباقتى قورىتىندىلاۋ بارىسىندا ساباقتىڭ ۇرانى ايتىلىپ، تالداۋ جۇمىسىن جۇرگىزۋ.
ءا. بوكەيحانوۆ پەن م. شاحانوۆتىڭ پىكىرلەرى سالىستىرىلىپ، تاريحقا رۋدىڭ، ءجۇزدىڭ، ۇلتشىلدىق كوزىمەن قاراۋعا بولمايتىندىعى، تاريح جىكشىلدىكتى كوتەرمەيتىنى تۋرالى ياعني سوڭعى ءسوزدى ۋاقىت ءبىر كەزدە ءوزى ايتاتىنى بارلىعىمىزعا ءمالىم سوزىمەنەن ساباق قورىتىندىلانادى.

IV. باعالاۋ. وقۋشىلار ءبىلىمىن سارالاۋ
V. ۇيگە. §26
وقۋشىلاردىڭ نەنى بىلگىسى كەلەتىنى جايلى پىكىرلەرىن ەسكەرىپ، تاپسىرما بەرۋ.
تاقىرىپ بويىنشا تەست قۇراستىرۋ، جاتتاۋ.