InfoHub Logo

تاقىرىبى: انا - ءومىردىڭ شۋاعى
ماقساتى: 1. 8 - ناۋرىز حالىقارالىق ايەلدەر مەرەكەسىن اتاپ ءوتۋ.
2. اناعا دەگەن مەيىرىمدى، سۇيىسپەنشىلىكتى ارتتىرۋ، ۇلكەنگە ىزەت، كىشىگە ۇلگى بولا بىلۋگە ۇيرەتۋ.
3. وقۋشى بويىندا ىزگىلىك، يناباتتىلىق، بيازىلىق سياقتى قازاق قىزىنا ءتان جاقسى قاسيەتتەردى قالىپتاستىرۋعا تاربيەلەۋ.
كورنەكىلىگى: زال مەرەكەگە ساي اسەم بەزەندىرىلگەن. شارلار، سلايد.

ءمۇعالىم:
- ارمىسىزدار، باقىتتى بالالىق شاعىمىزدىڭ شات كوڭىلدى وتۋىنە بارلىق جاعدايدى جاساپ وتىرعان اياۋلى دا ارداقتى انالار! سىزدەردى 8 - ناۋرىز حالىقارالىق ايەلدەر مەرەكەسىمەن شىن جۇرەكتەن قۇتتىقتايمىز!
- ادام بويىنداعى جاقسى قاسيەت كۇننىڭ نۇرىنان، انانىڭ اق سۇتىنەن جارالعان. سوندىقتان قۇرمەتتى اسىل انالار، ءقادىرلى اجەلەر بۇگىنگى «انا - ءومىردىڭ شۋاعى» اتتى مەرەكەلىك كەشىمىز سىزدەردىڭ قۇرمەتتەرىڭىزگە ارنالادى.

1. ارايلىم: قوش كەلىپسىز، قۇرمەتتى اتا - انالار،
جۇزدەرىڭنەن مەيىرىممەن نۇر تامار.
الدارىڭدا جاۋقازىنداي قۇلپىرعان.
بالعىن شاقتى ءبىز باقىتتى بالالار!

2. ەراسىل: مەرەكە قۇتتى بولسىن، انالارىم،
ماپەلەپ، ەركەلەتتىڭ، ايالادىڭ
لەبىزىڭە العىستى ايتا كەلە
ءان جىرىمدى قابىل ال انالارىم!

ارايلىم: - قىمباتتى ۇستاز - انالار، ارۋلار! كوڭىلدەرىڭىزگە كوكتەم شۋاعىنداي سەزىم مەن نۇر قۇيىپ، تاعى دا 8 - ناۋرىز حالىقارالىق ايەلدەر كۇنى كەلدى.
ەراسىل: - وسىناۋ كوركەم مەرەكەنىڭ قاي كەزدە دە ورنى بولەك. ولاي بولاتىنى، انالارعا دەگەن ىستىق سەزىم، العىس پەن قۇرمەت ەشقاشان سونبەك ەمەس.
ارايلىم: - ولار - ءومىردىڭ گ ۇلى، كوڭىلدىڭ جىرى، ءار وتباسىنىڭ التىن دىڭگەگى. مىناۋ تىنىمسىز تىرشىلىك پەن كەڭ دۇنيەنىڭ ءوزى تەك انالارمەن اجارلى.
ەراسىل: - بۇگىنگى ارايلاپ اتقان نۇرلى تاڭمەن بىرگە ءاربىر ءسابي جۇرەگى ءوزىڭ دەپ سوقسا، بۇگىنگى مەرەكەلىك كەشىمىز دە انالارعا ارنالادى.

1. ەلنازار: سىزدەردەن وسكەن بالالار
باتىرلار مەن دانالار.
قۇتتىقتايمىز مەيراممەن،
قۇرمەتتى ابزال انالار.

2. ەلدار: قۇتتى بولسىن انالاردىڭ مەيرامى،
جارقىراڭدار جاز كۇنىندەي جايدارى.
مەرەكەسى بۇل كوكتەمنىڭ العاشقى،
باقىت بەرسىن ءار كوكتەمنىڭ ايلارى.

3. اياۋلىم: دۇنيەدە ەڭ كەمەڭگەر دانانى،
انا تابادى، ايالايدى باعادى.
سول ءۇشىن دە قۇدىرەتىڭە باس ءيىپ،
قۇرمەتتەيىك قاسيەتتى – انانى.

4. ايجان: مەرەيلى ءسات مەرەكەگە ۇلاسىپ،
8 - ناۋرىز كەلدى قىر اسىپ.
قىز - كەلىنشەك، نازىك جاندار مەيرامى،
كوكتەمىمنىڭ شاپاعاتىن تۇر شاشىپ.

ءان: «انالار التىن». انالارعا اشىقحاتتارىن تاپسىرادى.
1. مادينا: قۇرمەتتەيىك، و ادامدار، انالاردى،
ءبىزدى ومىرگە اكەلگەن دانالاردى.
سەبەبى انا دەگەن اسىل جان عوي،
ويلاۋمەنەن ىستەلىك ءار قادامدى.
2. ماقسات: اق سۇتىنەن جارالعان،
اق سۇتىنەن ءنار العان،
اناعا باس يەمىز!
تۋعان ەلدىڭ ءتىلى دەپ،
تۋعان جەردىڭ ءۇنى دەپ،
اناعا باس يەمىز!
3. ارۋجان: ادام بار ما انا ءسۇتىن تاتپاعان،
الۋان - الۋان اۋىر سىندى اتتاعان،
ادالدىقتى ار - نامىستى ساقتاعان
مەن انانىڭ سونىسىنا ماقتانام.

ەراسىل: تەڭىزدەي تەربەتىلىپ كول بەتىندە
بيشىلەر بيلەپ كەتتى تەربەتىلە.

اققۋداي قالىقتاعان تەڭىزدەگى،

بيشىلەر ونەرلەرىن كورسەتۋدە، - دەي وتىرىپ كەلەسى كەزەكتى «كوكتەم ءۆالسى» بيىنە بەرەمىز.

1. دايانا: انا دەيمىز ءبارىمىز دە اڭقىلداپ،
انا دەيدى جاس ءسابي دە جارقىلداپ.
انا دەگەن بايتەرەگى ءومىردىڭ،
انا دەگەن — التىن قازىق، التىن ب ا ق.
2. اليبي: انا دەگەن — اسىل جاندار بولاتتاي،
انا دەگەن — ءمولدىر جاندار بۇلاقتاي.
و، ادامدار، قادىرلەي ءبىل انانى،
جات قىلىققا اقىل - ويدى توناتپاي.
3. ارايلىم. م: سان مىڭ شاكىرت وزىڭنەن ءتالىم الدى.
اياۋلى ۇستاز - انا، ءىسىڭنىڭ ءبارى ۇنامدى.
ءار كۇن سايىن اتىڭدى قايتالايمىن.
ەسكە العانداي تاڭ سايىن ءان ۇراندى.