InfoHub Logo

ماقساتى: انا ءتىلىنىڭ ماڭىزىن ۇعىندىرۋ، اقىن ولەڭدەرىن مانەرلەپ وقۋعا داعدىلاندىرۋ. انا ءتىلىن قۇرمەتتەۋگە باۋلۋ.
1 - جۇرگىزۋشى: اسسالاۋماعالەيكۋم، قۇرمەتتى ۇستازدار مەن وقۋشىلار!
2 - جۇرگىزۋشى: سىزدەردى 22 قىركۇيەك قازاقستان حالىقتارىنىڭ تىلدەر مەرەكەسىمەن قۇتتىقتايمىز.

1 - جۇرگىزۋشى: تۋعان ءتىلىم - تىرلىگىمنىڭ ايعاعى،
ءتىلىم باردا ايتىلار سىر ويداعى.
وسسە ءتىلىم، مەندە بىرگە وسەمىن،
وشسە ءتىلىم، مەندە بىرگە وشەمىن! (ءا. تاجىبايەۆ)
ءيا، ءتىل قاي ۇلتتا، قاي ەلدە بولسا دا قاستەرلى، قۇدىرەتتى. ول ءاربىر ادامنىڭ بويىنا انا سۇتىمەن بىرگە ەنىپ قالىپتاسادى. ءتىل بايلىعى - ءاربىر ەلدىڭ ۇلتتىق ماقتانىشى. ول – اتادان بالاعا ميراس بولىپ قالىپ وتىراتىن باعا جەتپەس مۇرا. دەمەك، ءار ادام انا ءتىلىن كوزىنىڭ قاراشىعىنداي قورعاۋعا ءتيىس.

2 - جۇرگىزۋشى: ءبىزدىڭ انا ءتىلىمىز شەكسىز باي، وتە كوركەم ءتىل. انا ءتىلىنىڭ كوركەمدىگىن پايدالانىلماعان ادام، مەنىڭشە، ناعىز پاقىر جان.
1 - جۇرگىزۋشى: ق. ر - نىڭ «تىلدەر تۋرالى زاڭىندا» ءتىل - ۇلتتىڭ اسا ۇلى يگىلىگى ءارى وزىنە ءتان اجىراعىسىز بەلگىسى، ۇلتتىق مادەنيەتتىڭ گۇلدەنۋى مەن ادام دا اردىڭ تاريحي قالىپتاسقان تۇراقتى قاۋىمداستىعى رەتىندە ۇلتتىڭ ءوزىنىڭ بولاشاعى - ءتىلدىڭ دامۋىنا، ونىڭ قوعامدىق قىزمەتىنىڭ كۇشەيۋىنە تىعىز بايلانىستى» دەلىنگەن.

2 - جۇرگىزۋشى: قازىرگى قازاق ءتىلى - مەملەكەتىمىزدى وركەندەتۋگە سەبەپشى بولاتىن قۋاتتى كۇش، حالقىمىزدىڭ مادەني دارەجەسىن كوتەرۋشى پارمەندى قۇرال، جۇرتشىلىقتى جاپپاي ۇلتتىق رۋحتا تاربيەلەۋدىڭ وتكىر قارۋى.
حورمەن جۇرگىزۋشىلەر:
قازاق ءتىلىم - انا ءتىلىم،
قاستەرلەيدى ۇل - قىزىڭ ماڭگى سەنى،
بولاشاعىم، باقىتىم، دارا ءتىلىم.

1 - وقۋشى: قىمبات ماعان انا ءتىلىم، بال ءتىلىم
قىمبات ماعان دانا ءتىلىم، ار ءتىلىم.
اق سۇتىمەن بىرگە ەنگەن بويىما،
انا ءتىلىم - ارداق تۇتار التىنىم.
انا ءتىلىن جىرلاپ وتكەن تالايلار،
جىرلاپ وتكەن ىبىراي مەن ابايلار.
قاسيەتتى مەنىڭ انا تىلىمدە،
وشپەس ماڭگى الاۋلاعان اراي بار.

2 - وقۋشى: قىزىل شوقتاي قارىعان،
قازاققا ءتىل دارىعان.
ءبىر سوزگە ول سەمىرىپ،
ءبىر سوزگە ول ارىعان.
سيپاقتاما، مۇدىرمە
سويلە، قانە، ۇشىندىر.
ءتىلدى بىزگە بەرمەگەن،
تىستەپ ءجۇرۋ ءۇشىن قۇر.

3 - وقۋشى: ۋا، تۋعان ءتىل! اتا - انامنىڭ بەل ءتىلى!
كوپ نارسە ۇقتىم دۇنيەدەن تۋعان ءتىلىم ارقىلى.
انام العاش وسى تىلدە بەسىك جىرىن جىرلاعان،
ۇزاق تۇندەر انام ايتقان ەرتەگىلەر تىڭداعام.
ۋا، تۋعان ءتىل! ەرتەلى – كەش قۋاتىڭمىن ءوزىڭنىڭ،
قارشادايدان شاتتىعىمدى، قايعىمدى دا سەزىندىم.
ۋا، تۋعان ءتىل! تۋعان تىلدە تىلەك ايتتىم مىڭ رەت،
اتا - انامدى، مەن پاقىردى جارىلقا دەپ قۇدىرەت.

4 - وقۋشى: انا ءتىلىم ۇلەس ۇوسقان سالتى ما،
ونەردى دە ۇيرەتكەن ءتىل جالپىعا.
اقىن، جىراۋ شەجىرەلى جىر جازعان جالپىعا،
انا تىلدە التىن مۇرا ارتىڭا.
انا ءتىلى ماقتانىشى حالقىمنىڭ،
انا ءتىلىم ار - ۇياتىم، بار شىنىم.
انا تىلدە بار قۇدىرەت، بار باقىت،