انا ءتىلىم - قازاق ءتىلى
"انا ءتىلىڭ - ارىڭ بۇل، ۇياتىڭ بوپ تۇر بەتتە،" - دەپ اعيىق اقىندارىمىز جىرلاپ كەتىپ ەدى. ءبىراق قازىرگى تاڭدا انا ءتىلىمىز قانشالىقتى ۇياتىمىز بوپ تۇر؟!
قازىرگى جاستار، وسكەلەڭ ۇرپاق، جەتكىنشەكتەردىڭ، اسىرەسە قالاداعى تۇراتىندار ءوز انا تىلدەرىندە سويلەۋدى قويدى دەسەك تە بولادى. قازاق ءتىلىنىڭ جاناشىرى رەتىندە وسىنداي جاعدايدى ءار كۇنى كورە ءجۇرىپ، ءتىلىمىزدىڭ بولاشاعىنا الاڭداماي تۇرا المادىم. ءوز تۋعان ءتىلىڭدى بىلمەۋ، ونىمەن سويلەمەۋ، ونى قۇرمەتتەمەۋ نە دەگەن باقىتسىزدىق ەدى؟!
ءوز تىلىندە سويلەۋگە ەڭ ءبىرىنشى سەبەپ بولاتىن ارينە اتا-انا، وتباسى. بالاعا تاربيە بەرە وتىرىپ، ءومىر ءسۇرۋدىڭ بارلىق قاجەتتىلىكتەرىن ۇيرەتە وتىرىپ نەگە انا تىلىندە سويلەۋدى قاداعالاۋدى الدىڭعى ورىنعا قويماسقا؟! ءتىلدىڭ وتاننان كەيىنگى ءار ءبىر ۇلتتىڭ، ءار ءبىر ادامنىڭ وزىمەن بىرگە تۋىپ، بىرگە كەتەتىن، ون ەكى مۇشەسىنەن دە ماڭىزدى ەكەنىن ۇعىندىرۋ، بويىنا ءسىڭىرۋ ءار ءبىر اتا-انانىڭ ماڭىزدى مىندەتى ەكەنىن ءار ءبىرىمىز ءسوزسىز ۇعىنۋىمىز كەرەك. بالا اتا-انانىڭ ايناسى، كولەڭكەسى، جالعاسى. اتا-اناسىنىڭ بويىنان كورگەنىن قايتالايتىن، سونى دۇرىس دەپ سانايتىن بالاعا اتا-انانىڭ ءوز تىلىندە سويلەۋى دە ەڭ الدىڭعى تاربيە.
بىرنەشە ءتىل ءبىلۋ - ءبىزدىڭ زامانىمىزدىڭ تالابى بولىپ تۇرعانى راس. ونى ەشكىم جوققا شىعارا المايدى. دەگەنمەن "وزگە ءتىلدىڭ ءبارىن ءبىل، ءوز ءتىلىڭدى قۇرمەتتە" دەگەندى نەگە ەسكە ساقتامايمىز؟
مادينا كۋاندىكوۆا
You Might Also Like
-
مەملەكەت باسشىسى قاسىم-جومارت توقايەۆ ەل ۇستازدارىن بۇگىنگى كاسىبي مەرەكەسىمەن قۇتتىقتادى.
-
مەدەۋ سپورت كەشەنى – جاساندى مۇز ايدىنى بار دۇنيە جۇزىندەگى ەڭ ءىرى سپورت كەشەنى. الماتى قالاسىنان ون سەگىز شاقىرىم جەردە، تەڭىز دەڭگەيىنەن 1691 م بيىكتىكتە ورنالاسقان. كۇنگە شاعىلىسا جارقىلدا...
