InfoHub Logo

ساباقتىڭ تاقىرىبى: ع. مۇسىرەپوۆتىڭ «انانىڭ اناسى» اڭگىمەسىنە تالداۋ
ساباقتىڭ ماقساتى:
1. ع. مۇسىرەپوۆ شىعارمالارىنان العان بىلىمدەرىن شىڭداي وتىرىپ، انا بەينەسىن اشۋ، ادەبيەت تەورياسىنىڭ ۇعىمدارى بويىنشا كوركەم شىعارمانى تالداۋ.
2. شىعارماشىلىق جۇمىسقا باۋلۋ، ءوز بەتىمەن زەرتتەۋ، ىزدەنۋگە جەتەلەۋ، اڭگىمەلەۋ، مازمۇنداۋ قابىلەتتەرىن ارتتىرۋ.
3. ءوز حالقىنىڭ سالت - ءداستۇرىن ءبىلۋ، اناعا قۇرمەت كورسەتۋ، ۇلكەندەردى سىيلاۋ، سۇيىسپەنشىلىك قاسيەتتەرىن ارتتىرۋ.
ساباقتىڭ ءتۇرى: ارالاس ساباق
ساباقتىڭ ءادىس - تاسىلدەرى: سۇراق - جاۋاپ، تۇجىرىمدامالىق كارتا، سكت، كەيىپكەرلەرگە حات، ويتولعاۋ.
ساباقتىڭ كورنەكىلىگى: سلايد كورسەتىلىمدەرى، باعالاۋ پاراعى، كەرى اسەر پاراعى، سەمانتيكالىق كارتا، دە بونوننىڭ قالپاقتارى.

ساباقتىڭ بارىسى:
I ۇيىمداستىرۋ كەزەڭى:
1. وقۋشىلارمەن سالەمدەسۋ، تۇگەندەۋ؛
2. توپقا ءبولۋ (ءان اتتارى بويىنشا) «اناشىم»،«انا»، «اسىل اجەم»
3. باعالاۋ پاراعىمەن تانىستىرۋ

II ءۇي تاپسىرماسىن سۇراۋ:
1. تۇجىرىمدامالىق كارتا
باعالاۋ كريتەرييلەرى:
1. تاقىرىپ تاڭداي ءبىلۋى؛
2. نەگىزگى ويدىڭ اشىلۋى؛
3. ءتىل بايلىعى، ءسوز قولدانىسى؛
3. اڭگىمەدەگى ەپيزودتىق سۋرەتتىڭ بەينەلەنۋى
قىزىعۋشىلىقتى وياتۋ. بەينە روليك
وي قوزعاۋ ءادىسى بويىنشا ساۋالدارعا جاۋاپ الۋ.
كوز الدىڭىزعا ەڭ جانىڭا جاقىن ادامدى ەلەستەتىڭدەر.
كىم قانداي وي (كىم تۋرالى) ءتۇيدى؟
«توپتاستىرۋ» ءادىسى
انا
انا دەگەن – اسقار تاۋ تاۋسىلمايتىن،
انا دەگەن – ايدىن كول تارتىلمايتىن،
اقىنداردىڭ جىرى ول تاۋسىلمايتىن.

III جاڭا ساباق
ەندەشە، بۇگىنگى ساباعىمىزدى ع. مۇسىرەپوۆتىڭ «انانىڭ اناسى» اڭگىمەسىن
«اڭىز ادام» اتتى اۋىزشا جۋرنالى تۇرىندە وتكىزەتىن بولامىز. جۋرنالىمىز:
1. «ءبىلىم كوكجيەگى»
2. «ادامي قاسيەتتەر»
3. «جازۋشى شەبەرلىگى»
4. «اقيقاتىن ايتالىق!»
5. «حات جولداڭىز!» اتتى ايدارلاردان تۇرادى.
جۋرنالدىڭ ءار بەتىن پاراقتاي وتىرىپ، ءاربىر ايدارداعى تاپسىرمالاردى ورىندايتىن بولامىز.
1. ءبىلىم كوكجيەگى» ايدارى. بالالار، جۋرنالىمىزدىڭ بۇل ايدارىندا سىزدەر زىمىران سۇراقتارعا جاۋاپ بەرە وتىرىپ، اڭگىمەنىڭ كومپوزيسيالىق قۇرىلىمىن تالداي الاسىزدار. ولاي بولسا، ىسكە ءسات!
زىمىران سۇراقتار «10 سۇراق» ءادىسى (بارماقپەن باعالاۋ)

كوركەم شىعارماعا ساتىلاي - كەشەندى تالداۋ.
شىعارما اۆتورى:
ءتۇرى:
تاقىرىبى:
يدەياسى:

شىعارمانىڭ كومپوزيسيالىق قۇرىلىسى:
1. سيۋجەتتىڭ باستالۋى:
2. سيۋجەتتىك بايلانىس:
3. شيەلەنىسۋى:
4. شارىقتاۋ شەگى:
5. شىعارمانىڭ شەشىمى:
6. شىعارماداعى كەيىپكەرلەر:
7. ادەبي تەوريالىق ۇعىمدار: تەڭەۋلەر: ساباسىنداي، تىماقتاي، ەتەكتەي ساقالى، جاۋىرىنى قاقپاقتاي، وقتاۋداي ويناپ، ۇرشىقتاي ويناپ. ت. ب ەپيتەتتەر: شاڭقاي ءتۇس، نايزا بويى، قۇلان تۇياق، توبىلعى تورى ت. ب
8. ديسفەميزمدەر:
9. كونەرگەن سوزدەر:

2. «ادامي قاسيەتتەر» ايدارى.
جۋرنالىمىزدىڭ “ادامي قاسيەتتەر” ايدارىندا شىعارمادان الىنعان ۇزىندىلەر ارقىلى كەيىپكەردى تاۋىپ، ءىس - ارەكەتتەرىن سارالاي وتىرىپ ادامي قاسيەتتەرىن ايقىنداي الاسىزدار. كىم شاپشاڭ ەكەن؟ بايقاپ كورەلىك!
اڭگىمە كەيىپكەرلەرىنىڭ ادامي قاسيەتتەرىن ءىس - ارەكەتتەرى ارقىلى سارالايىق!