اناسىنىڭ قىزىنا 10 وسيەتى
تۇرمىسقا شىعىپ بارا جاتقان قىزىنا اناسى 10 وسيەت ايتىپتى. وسى وسيەتتى بەرىك ۇستاساڭ كۇيەۋىڭمەن ارالارىڭ سۋىمايتىن بولادى دەگەن ەكەن...
قىزىم، ساعان قىرىق جىلدىق وتباسىلىق ومىرىمدەگى تاجىريبەلەرىمە سۇيەنە وتىرىپ، وسى ناسيحاتتارىمدى ايتپاقشىمىن. ەگەر ايتقان سوزدەرىمە قۇلاق سالىپ، ۇنەمى جادىڭدا ساقتاساڭ باقىتقا قول جەتكىزەسىڭ.
1-قاناعاتشىل بول! ياعني جولداسىڭ ۇيگە الىپ كەلگەن ازىق-تۇلىك، كيىم-كەشەك بارلىق نارسەنى شىن كوڭىلمەن قابىل ال! وعان راحمەت ايتىپ، العىسىڭدى ءبىلدىر! ويتكەنى، قاناعات – كوڭىلدى تىنىشتىققا، باقىتقا قاۋىشتىرادى.
2- جولداسىڭنىڭ سوزدەرىن مۇقيات تىڭدا جانە ونىڭ كۇنا بولماعان امىرلەرىنە مويىنسۇن!
3- ءۇيىڭ جانە اينالاڭ ءاردايىم تازا، رەتتەۋلى جانە جيناقى بولسىن!
4- كۇيەۋىڭنىڭ ۇيىقتايتىن جانە تاماقتاناتىن ۋاقىتتارىنا نازار سالۋىڭ كەرەك. توسەگى مەن تاماعىن ۋاقىتىندا دايىنداۋىڭ كەرەك. ۇيقىسىزدىق پەن اشتىق ادامدى اشۋلاندىرادى.
5-كۇيەۋىڭنىڭ مال-مۇلكىن جانە اقشاسىن قورعا! ونىڭ رۇقساتىنسىز جانە حابارىنسىز جۇمساما! ىستەگەن ىستەرىڭدى، جاقسىلىقتارىڭدى مىندەتسىنبە! جاقسىلىققا جاسالعان جاقسىلىق تەز ۇمىتىلادى، ال جاماندىققا جاسالعان جاقسىلىق ەش ۇمىتىلمايدى.
6-كۇيەۋىڭنىڭ تۋىستارىمەن جاقسى قارىم-قاتىناستا بول! كۇيەۋىڭنىڭ قاتەلىكتەرىن جالعىز كەزىندە وزىنە جۇمساق تىلمەن ايت!
7-كۇيەۋىڭنىڭ سىرلارىن ەشكىمگە ايتپا! ەرلى-زايىپتىلاردىڭ اراسىنداعى سىرلارى وزدەرىمەن بىرگە قابىرگە كەتۋى كەرەك.
8-كۇيەۋىڭنىڭ قايعىسى مەن قۋانىشىنا ورتاق بول! وعان بارلىق جاعىنان دا جاقسى ومىرلىك جار بول! وتىرىك – وتباسىن ىشتەن شىرىتەتىن قۇرت سەكىلدى.
9-ارالارىڭداعى ماسەلەنى وزدەرىڭ شەشىڭدەر! ولاردى بىزگە جانە وزگەلەرگە ايتۋدان ساقتان! ەشكىمنىڭ قولداۋىنان ۇمىتتەنبە!
10- كۇيەۋىڭنەن الۋعا قينالاتىن نەمەسە شاماسى جەتپەيتىن نارسەنى الىپ بەرۋىن تالاپ ەتپە!
11-ايەلىنىڭ جاقسى مىنەزدى بولۋى – ەرىنە ءجاننات نيعمەتى. سەن جولداسىڭا ءجاننات نيعمەتى بول! وعان ازاپ شەكتىرمە!
بۇلاردى تەك ونىڭ قالاۋلارىن جانە ونىڭ ريزالىعىن الدىڭعى قاتارعا قويعاندا عانا ورىنداي الاسىڭ. ۇنەمى الدىڭعى قاتارعا ءوزىڭدى قويساڭ، بۇل ناسيحاتتىڭ ەشبىرىن ورىنداي المايسىڭ.
You Might Also Like
-
بيداي ۇنى، بيداي نانى – اسحانانىڭ مىرزاسى، استىڭ اتاسى سانالادى. ونسىزدا بي، بەك سوزدەرى تورە، مىرزا دەگەندى بىلدىرەدى. ياعني بيداي اتاۋىنىڭ ءوزى دە ونىڭ داندەردىڭ ءبيى ەكەندىگىن كورسەتىپ تۇرعان...
-
مۇعالىمدەر كۇنى بۇگىن، كۇنى ۇستازدىڭ شاتتانعان، شاكىرتىنە دەم بەرگىزگەن، جەتكىزەدى دەپ باققا ارمان. ۇستازداردىڭ كۇنى بۇگىن، بار تىلەگى ومىردە سول شاكىرتتىڭ ورگە جۇزگەن ەڭبەگىمەن اقتالعان.
