اندالۋسياداعى ازعىندىق
حريستيان يسپاندار اندالۋسيا مەملەكەتىن قۇلاتقاننان كەيىن بۇرىن سوڭدى بولماعان جابايىلىقپەن ءبىلىم ورتالىعى بولعان اندالۋسياداعى مۇسىلمانداردى جويىپ جىبەردى. كەيىن تەڭدەسى جوق ونەر تۋىندىلارىن قيراتىپ، سونىڭ ىشىندە اسا كورنەكتى مەشىتتى دە قۇلاتتى. الدىمەن مۇنارالارداعى التىن جانە وزگە اسىل تاستاردان جاسالعان شاتىرلارىن، ورنەكتەرىن تالان-تاراجعا سالدى.
ىشكى توبەسىندەگى كوركەم ويۋلانعان تاقتايلارىن بۇزدى. ەدەنىندەگى ادەمى ءمارمارلاردى سىندىرىپ، بولشەكتەدى. ولاردىڭ ورنىنا كادىمگى تاستاردى ءتىزىپ شىقتى. قابىرعاداعى بۇكىل ادەمى اشەكەيلەردى سىندىرىپ جەرمەن جەكسەن ەتتى. تىرەۋىشتەردى (كولونالاردى) قۇلاتپاق بولدى. ءبىراق بىرەۋىن عانا قۇلاتا الدى. قالعاندارىن كادىمگى اكپەن بوياپ شىقتى.
سوڭىندا سوڭعى جابايىلىق رەتىندە 1523 جىلى مەشىتتىڭ ىشىنەن ءبىر شىركەۋ سالۋعا شەشىم قابىلدادى. ول ءۇشىن سول كەزدە يسپانيا مەن گەرمانيانىڭ يمپەراتورى 5ء-شى چارلستان رۇقسات الدى. بۇل العان رۇقساتتارىمەن شىركەۋ سالۋ ءۇشىن تاعى قانشاما تىرەۋىشتەردى قۇلاتتى. مەشىتتىڭ ورتاسىنا كرەست كۇيىندە 52ح12 مەتر كولەمىندە كورىكسىز ءبىر شىركەۋ سالىندى. چارلستىڭ ءوزى قۋرتۋبا (كاردوۆا) قالاسىنا كەلگەنىندە سول سالىنعان شىركەۋدى كورىپ، قاتتى رەنجىپ بىلاي دەيدى: «ىستەگەن ىستەرىڭنىڭ جابايىلىق ەكەنىن كورىپ، سەندەرگە رۇقسات بەرگەنىمە قاتتى وكىندىم. الەمدە ۇقساسى تابىلمايتىن بۇل كەرەمەت تۋىندىنى مۇنداي جاعدايعا الىپ كەلەتىندەرىڭدى بىلگەنىمدە سەندەرگە رۇقسات بەرمەس ەدىم جانە بارلىعىڭدى جازالاندىرار ەدىم. سەندەردىڭ جاساعان بۇل ۇسقىنسىز شىركەۋلەرىڭ جاي عانا ءبىر عيمارات. الايدا ەندى بۇل ساۋلەتتى مەشىتتىڭ ۇقساسىن سالۋ مۇمكىن ەمەس».
You Might Also Like
-
حريستيان الەمى جەلتوقسان ايىنىڭ 24-نەن 25-نە قاراعان ءتۇندى حازرەتى يسانىڭ تۋعان كۇنى رەتىندە تويلايدى. الايدا، حازرەتى يسانىڭ ءتىپتى تۋىلعان جىلى دا بەلگىسىز. ونىڭ ۇستىنە، العاشقى كەزدەرى شىركەۋلەر ...
