InfoHub Logo

ءيا. اق پەن قارا بىر-بىرىنە قايشى ۇعىمداي كورىنەدى. ومىردەگى ءاربىر قۇبىلىستى، جاقسى مەن جاماندى اق پەن قارا تۇسكە ءبولىپ قارايىقشى. ادەتتە اق ءتۇستى ادامنىڭ كەڭ پەيىلدىلىگىنە بالاساق، ال قارا ءتۇس قازاقتىڭ ماڭدايىنا بىتكەن قورقىنىش پەن قاسىرەتى ىسپەتتى. "اققا قۇداي جاق" دەمەكشى اق ءتۇس كەزىندە ۇيگە كىرگەن ۋلى، زيانكەس جىلاندى كەرى قايتارعان. قارا ءتۇس كوبىنە قارالى حابارعا بالانعان. جاقسىلىققا باستاۋ الاتىن ادامنىڭ سارا دا دارا جولى اققا بويالىپ كەلە جاتىرعانداي كورىنەدى. اق پەن قارا بىرەۋگە ءومىر مەن ءولىم بەينەسى بولسا، ال بىرەۋگە كوزىنىڭ اعى مەن قاراسىنداي ەكى پەرزەنتى. ال بىرەۋگە ومىرىندەگى ەكى ءتۇرلى باعىتتاعى تاسپا. ولاي دەۋىمنىڭ سەبەبى، ادامنىڭ ءومىرى بىردە شىرعالاڭ جول بولسا، بىردە كولدەنەڭ، ءتۇزۋ، كەڭ دالاداي. بۇل ارينە بالا كەزدەن قۇلاققا قۇيىلىپ كەلە جاتىرعان دۇنيەلەر. الدىڭنان قارا مىسىق وتسە، جولىڭنىڭ بولمايتىندىعى دەيدى. ارينە ەگەر سەن سول نارسەگە شىنايى سەنىپ، قابىل العان بولساڭ نەگە جاقسى بولۋى كەرەك؟سەنىڭ ءبىر كۇننىڭنىڭ جاقسى نە جامان ءوتۋى ءوز قولىڭدا. سوندىقتان بۇل جەردە ادامنىڭ سەنىمى ۇلكەن ءرول وينايدى. اق تۇستە اركەز جاقسى اسەر بەرە بەرمەيدى. سوڭعى ساپارىنا اتتانعان ادام اق كەبىنگە ورالادى. سوندا اق ءتۇستى كيىم كيگەن ادامنىڭ ءبارى ءدال سول كۇنى، ءبىر مەزەتتە ماڭگىلىك مەكەنىنە اتتاندى دەگەن ءسوز ەمەسقوي. بۇل مەنىڭ تاعى ءبىر دالەلىم. جاقىندا پسيحولوگ قۇربىمنىڭ يستورياسىنان “تاياقتىڭ ەكى ۇشى بار” دەگەن تاقىرىپتى اشىپ ايتىپ جاتىرعانىن كورىپ، ءبىرشاما مالەمەت الىپ، ويعا ءتۇستىم. ادام كەيدە اق پەن قارانى اجىراتا الماي، بايبالام سالىپ، شەگىنە بارماستان قاتەلىك جاساپ جاتادى. ونىڭ ءبارى ادامنىڭ كوزى ءبىر-اق ءتۇستى كورىپ، سوعان عانا نازار اۋدارىپ، جان-جاعىنداعى تۇستەرگە ءمان بەرمەۋى. قورىتا ايتقان دا اق پەن قارا بۇل جاي عانا ءتۇس. ونى ءومىردىڭ ءار كەزەڭىنە ءبولىپ، بايلانىستىرا قاراۋ ۇلكەن قاتەلىك دەپ ويلايمىن. سەبەبى ءومىر تەكى اق پەن قارا تۇستەن تۇرمايدى.

 

---