InfoHub Logo

اتىراۋ وبلىسى جانگەلدين اۋىلىندا بولعان وقيعاعا قاتىستى نەگىزگى كۇدىكتىلەردىڭ ءبىرى سۇلتان سارسەمالييەۆتىڭ اناسى، كەلىنى اقبايان مۇقانعالييەۆاعا قاتىستى تىڭ مالىمەتتەردى جاريا ەتتى. ول قۇقىق قورعاۋ ورگاندارىنىڭ كەيبىر جايتتاردى بۇرمالاپ، جاعدايدى تولىق تۇسىنبەي وتىرعانىن ايتتى.

اناسىنىڭ سوزىنشە، كەلىنىنىڭ شاشىن تىقىرلاپ الۋ تۇرمىستىق زورلىق-زومبىلىقپەن ەشقانداي بايلانىسى جوق. جۋرناليست رۋسلان وتەپبايدىڭ «كەلىننىڭ شاشىن نە سەبەپتى الدىڭىزدار؟» دەگەن سۇراعىنا ول الدىمەن كەلىنىنىڭ دەنساۋلىعىنا بايلانىستى ماسەلە تۋىنداعانىن ايتتى.

«كەلىننىڭ ءۇستى-باسىنا جارا ءتۇسىپ كەتتى. بيتتەپ كەتتى. امال جوق، تىقىرلاپ الىپ تاستادىق. ءوزىم رۇقسات بەردىم. “سۇلتان، شاشىن الىپ تاستا! تۇنىمەن باسىن قاسىپ، جارا قىلدى. جايماسىنىڭ ءبارى جارانىڭ قابىعىنان كورىنبەيدى. بالالارعا جۇعىپ جۇرەر” دەدىم»، – دەيدى ول.

ونىڭ ايتۋىنشا، بۇل شەشىم زورلىق-زومبىلىقتان ەمەس، گيگيەنالىق سەبەپتەردەن قابىلدانعان. «سۇلتان قيا المادى. قانشا دەگەنمەن ءسۇيىپ قوسىلعان كەلىنشەگى عوي. ءبىراق جاز مەزگىلى، دۋش بار. اقبايان ءوزى قارسى بولعان جوق، قايتا راحاتتانىپ قالدى. باسىن جۋىپ، تازالاپ بەردىم. قان قۇيىلعاننان رەاكسيا بەرىپ تۇرعان. پوليسيا ونى باسقاشا ءتۇسىندى. “نەگە الدىڭىز شاشىن؟” دەپ، كۇيەۋىنەن تاياق جەپ، شاشىن الىپ تاستاعان دەپ ويلايدى. ارالارى جاقسى بولدى، كيكىلجىڭ بولعان جوق»، – دەدى كۇدىكتىنىڭ اناسى.