InfoHub Logo

ءبىر كۇنى ءبىر سۇلۋ ايەل جولدا كەلە جاتسا، ءبىر ادام ونىڭ سوڭىنان قالماي ەرە بەرىپتى. سوندا سۇلۋ ايەل بۇرىلىپ تۇرىپ:

— ەي، بەيتانىس، مەنىڭ سوڭىمنان نەگە ەرىپ كەلەسىڭ؟ — دەپ سۇراپتى.

— ءسىزدىڭ تەڭدەسى جوق سۇلۋلىعىڭىزعا قۇشتار بولىپ ەرىپ كەلەمىن، — دەپتى الگى.

ايەل كۇلىمسىرەپ:

— مەنىڭ سوڭىمدا ءسىڭلىم كەلە جاتىر، ونىڭ كوزى قاراقاتتاي قاپ-قارا، ءوزى مەنەن ون ەسە سۇلۋ، — دەپ جاۋاپ بەرىپتى.

مۇنى ەستىگەن الگى ەركەك ارتىنا قاراي جۇرەدى دە، ءىلبي باسىپ كەلە جاتقان كارى كەمپىرگە جولىعادى. ىزاعا بۋلىققان ول جەرگە ءبىر تۇكىرىپ جاس سۇلۋدىڭ ارتىنان قايتا جۇگىرەدى، جاس سۇلۋدى قۋىپ جەتىپ:

— سەن نەگە مەنى الدايسىڭ؟ — دەپتى.

— جوق، بەيتانىس، — دەپتى سوندا سۇلۋ، — سەن مەنى الدادىڭ. ەگەردە مەنى شىن سۇيگەن بولساڭ، باسقا ايەلگە قاراي جۇگىرمەگەن بولار ەدىڭ.

بەيتانىس ۇيالعانىنان بۇرىلىپ جۇرە بەرىپتى.

---