ەگەر ۇيىقتاپ كەتكەن بولسام
تولتىرا كومىر تيەلگەن ءبىر توپ اربا باتپاقتى جولدا ءىلبىپ كەلە جاتادى. كەنەت، قالعىپ كەلە جاتقان جاس ارباكەشتىڭ ارباسى تايعاناپ بارىپ ءبىر جاعى شۇڭقىرعا ءتۇسىپ كەتەدى. باسقا ارباكەشتەر جابىلىپ ۇستەمەلەپ ات قوسىپ ءجۇرىپ ازەر شىعارىپ الادى. اتتار دا، ادامدار دا ابدەن باتپاققا مالشىنىپ دىڭكەسى قۇريدى. اربا شىعىپ بولعان سوڭ، ەگدە ارباكەش جاس اربا كەشكە:
— كوزىڭە قاراپ ايداساڭ بولماس پا ەدى، ءبىزدى دە، ءوزىڭدى دە ابدەن تۇرالاتتىڭ، نەشە ساعات الىسىپ ءجۇرىپ ارەڭ شىعاردىق، — دەيدى.
سوندا جاس ارباكەش:
— قايتا مەن قالعىپ كەتكەن ەم، سەرگەكتىكپەن تەز ويانىپ توقتاتىپ الدىم، ەگەر، ۇيىقتاپ كەتكەن بولسام، وندا اربا انا ارعى قۇيا باتپاققا كىرىپ ءبىر-اق جوق بولار ەدى، — دەپ جاۋاپ قايتارىپتى.
You Might Also Like
-
ءبىر كۇنى ءبىر سۇلۋ ايەل جولدا كەلە جاتسا، ءبىر ادام ونىڭ سوڭىنان قالماي ەرە بەرىپتى. سوندا سۇلۋ ايەل بۇرىلىپ تۇرىپ:
-
تۋىسشىلاي قىرعا شىققان قالالىق ءبىر ايەل سول اۋىلداعى ايەلدەرمەن اڭگىمە دۇكەنىن قۇرىپ وتىرعاندا، ءبىر تانىس حانزۋ ايەل ۇيگە كۇرەك، داعار سەكىلدى ەگىستىك سايماندارىن سۇراپ كەلىپتى. وتىرعانداردىڭ بىردە...
