tengrinews.kz
اقمولا وبلىسىندا بوگەت بۇزىلىپ، تراسسانىڭ ءبىر بولىگى سۋ استىندا قالدى
اقمولا وبلىسىنىڭ قورعالجىن اۋدانىندا شوپتىقۇل بوگەتى بۇزىلىپ، سالدارىنان استانا-قورعالجىن تاس جولىنىڭ ءبىر بولىگى سۋ استىندا قالدى. بۇل تۋرالى جەرگىلىكتى اكىمدىك حابارلادى.
بۇل تۋرالى Infohub.kz اقپارات اگەنتتىگى حابارلايدى.
وقيعا كەشە، 5 ساۋىردە ساعات 19:00 شاماسىندا اۋدان ورتالىعى سابىندى اۋىلىنان سولتۇستىككە قاراي ەكى شاقىرىمداي جەردە ورنالاسقان شوپتىقۇل بوگەتىندە بولدى. اكىمدىكتىڭ مالىمەتىنشە، بوگەتتىڭ بۇزىلۋىنان سابىندى اۋىلىنا سۋ باسۋ ءقاۋپى جوق جانە جاعداي باقىلاۋدا.
جوندەۋ جۇمىستارى باستالدى
بوگەتتىڭ بۇزىلۋىنان تاسقىن سۋ استانا-قورعالجىن تاس جولىنىڭ ءبىر ۋچاسكەسىن شايىپ كەتكەن. بۇل تۋرالى كۋاگەرلەر الەۋمەتتىك جەلىدە ۆيدەو جاريالادى.
قازىرگى ۋاقىتتا جەرگىلىكتى اتقارۋشى ورگاندار، توتەنشە جاعدايلار ءبولىمى مەن اۋىل تۇرعىندارى بوگەتتى قالپىنا كەلتىرۋ جۇمىستارىن جۇرگىزىپ جاتىر. بۇل جۇمىستارعا 30-دان استام ادام مەن 6 بىرلىك تەحنيكا جۇمىلدىرىلعان.
بۇعان دەيىن دە وسىنداي جاعداي بولعان
ايتا كەتەيىك، بيىل اقپان ايىندا شىمكەنتتە بادام وزەنىندەگى بەتون بوگەتتىڭ 40 مەترى بۇزىلعان ەدى. جاعالاۋدى بەكىتۋ جۇمىستارى اياقتالعاننان كەيىن بىرنەشە اي وتكەن سوڭ ورىن العان بۇل جاعدايعا وزەننەن زاڭسىز تاس ءوندىرۋ سەبەپ بولعان.
-
كازاحستانسكيي بوكسەر جانيبەك اليمحانۋلى پروۆەدەت بوي پروتيۆ بريتانسا دەنزەلا بەنتلي، كوتورىي نەداۆنو زاۆويەۆال ۆرەمەننىي تيتۋل چەمپيونا WBO.
-
A dam failure in the Shortykul district of Akmola region has submerged a portion of the Astana-Korgalzhyn highway، prompting immediate repair efforts by locals and authorities.
