اشىق دەرەككوز
اقش پەن يران قاقتىعىسىندا قازاقستان بەيتاراپ قالا ما؟
تاياۋ شىعىستاعى شيەلەنىس كۇردەلەنە تۇسكەن شاقتا، قازاقستاننىڭ اقش پەن يران اراسىنداعى قاقتىعىستا قانداي ۇستانىمدا بولاتىنى كوپشىلىكتى تولعاندىرۋدا. بۇل سۇراققا سىرتقى ىستەر ءمينيسترىنىڭ ورىنباسارى الىبەك باقايەۆ جاۋاپ بەردى.
بۇل تۋرالى Infohub.kz اقپارات اگەنتتىگى حابارلايدى.
بەيتاراپتىق ۇستانىمى
الىبەك باقايەۆ قازاقستاننىڭ ءۇشىنشى مەملەكەتتەردىڭ ىشكى ىستەرىنە ارالاسپاۋ قاعيداتىن ءاردايىم ۇستانىپ كەلە جاتقانىن جانە بۇل ۇستانىمنان ەشقاشان اينىمايتىنىن اتاپ ءوتتى. «سوندىقتان بۇل جاعدايدا ءبىز ەشبىر تاراپتى قولدامايمىز: يران تاراپىن دا، شابۋىلعا ۇشىراعان ەلدەردىڭ تاراپىن دا قولدامايمىز»، - دەدى ول.
ديپلوماتيالىق شەشىمگە باسىمدىق
ۆيسە-مينيستردىڭ ايتۋىنشا، قازاقستان اسكەري قاقتىعىستاردىڭ بولماعانىن قالايدى. ال ەگەر ولار ورىن السا، وندا ولاردىڭ شەشىمى مىندەتتى تۇردە ديپلوماتيالىق كەلىسسوزدەر ارقىلى، حالىقارالىق قۇقىق نورمالارى مەن بۇۇ جارعىسىنا سايكەس تابىلۋى ءتيىس. بۇل ۇستانىم وزگەرىسسىز قالادى.
كەلىسسوزدەر پلاتفورماسىن ۇسىنۋعا دايىن
سونىمەن قاتار، الىبەك باقايەۆ قازاقستان يران بويىنشا كەلىسسوزدەر جۇرگىزۋ ءۇشىن پلاتفورما ۇسىنۋعا دايىن ەكەنىن جەتكىزدى. ول بۇعان دەيىن ەلىمىزدىڭ مۇنداي كەزدەسۋلەر وتكىزۋ تاجىريبەسى بار ەكەنىن ەسكە سالدى.
بۇعان دەيىن قازاقستان سىرتقى ىستەر مينيسترلىگى يران حالقىنا كوڭىل ايتىپ، يرانعا قارسى سوعىسقا قاتىسپايتىنىن مالىمدەگەن بولاتىن. الايدا، اراب مەملەكەتتەرىنىڭ ازاماتتىق نىساندارىنا جاسالعان سوققىلارعا الاڭداۋشىلىق بىلدىرگەن ەدى.
-
نەدوستۋپنوست ينفورماسيي وب ەكولوگيچەسكيح ترەبوۆانياح ك كرۋپنىم نەفتيانىم پروەكتام كازاحستانا ستالا پرەدمەتوم راسسموترەنيا كوميتەتا وون.
-
الەۋمەتتىك جەلىدە نۇرسۇلتان نازاربايەۆتىڭ دۋبايدا قيىن جاعدايدا قالعان وتانداستارىن ءوز رەزيدەنسياسىنا قابىلدايتىنى تۋرالى اقپارات تارادى. بۇل حابارعا قاتىستى رەسمي راستاۋ ازىرگە جوق.
