tengrinews.kz
اقش-تا "دجۋماندجي" جانە "توپ گان: ميەۆەريك" فيلمدەرىنىڭ اكتەرى قازا تاپتى
امەريكالىق اكتەر دجەيمس حەندي لوس-اندجەلەستەگى شابۋىلدان قازا تاپتى. بۇل تۋرالى Infohub.kz اقپارات اگەنتتىگى حابارلايدى.
باسىلىمنىڭ مالىمەتىنشە، 3 ماۋسىم كۇنى تاڭەرتەڭ پوليسيا تارزانا اۋدانىنا شاقىرتۋ بويىنشا كەلگەن. وقيعا ورنىندا قۇقىق قورعاۋشىلار 81 جاستاعى اكتەردى ءۇيىنىڭ اۋلاسىنان پىشاق جاراقاتىمەن تاپقان.
حەندي اۋرۋحاناعا اۋىر جاعدايدا جەتكىزىلگەنىمەن، دارىگەرلەر ونى قۇتقارا المادى. قازىرگى ۋاقىتتا كۇدىكتى رەتىندە 44 جاستاعى مايكل گلەدحيلل ۇستالدى. تەرگەۋ مالىمەتتەرى بويىنشا، ول ءوزىنىڭ ىزدەۋدەگى ادام ەكەنىن پوليسياعا ءوزى حابارلاعان. ول كىسى ءولتىرۋ بابىمەن ايىپتالىپ، ەكى ميلليون دوللار كەپىلدىك سوماسى بەلگىلەندى.
امەريكالىق باق-تىڭ حابارلاۋىنشا، گلەدحيلل اكتەرمەن بۇرىن قارىم-قاتىناستا بولعان ايەلدىڭ ۇلى بولىپ شىقتى.
اكتەردىڭ تانىمال رولدەرى
دجەيمس حەندي ءوزىنىڭ مانساپ جولىندا ونداعان فيلمدەر مەن سەريالدارعا تۇسكەن. ول اسىرەسە 80-90 جىلدارداعى تانىمال فيلمدەر مەن سەريالدارداعى ەكىنشى پلانداعى جارقىن رولدەرىمەن كورەرمەن ەسىندە قالدى. اكتەردىڭ ەڭ تانىمال جۇمىستارىنىڭ قاتارىندا "ك-9: ءيتتىڭ جۇمىسى" جانە "دجۋماندجي" فيلمدەرى بار. سوڭعى ءىرى جۇمىسى رەتىندە "توپ گان: ميەۆەريك" بلوكباستەرىندە بارمەن دجيممي ءرولىن سومداعان.
-
«حابار» تەلەارناسىنىڭ جاساندى ينتەللەكتىنى پايدالانىپ، ەرەكشە بالانى سويلەتكەن ارەكەتى جۇرتشىلىقتىڭ نارازىلىعىن تۋدىردى. ءانشى جاسۋلان بازاربايەۆتىڭ قىزىنا قاتىستى بۇل جاعداي كوپشىلىكتىڭ تالقىسىنا ءتۇستى.
-
Veteran actor James Handy، known for his roles in 'Jumanji' and 'Top Gun: Maverick'، has died following a stabbing incident at his Los Angeles home.
