InfoHub Logo

اقش-تىڭ ميچيگان شتاتىندا ەر ادام كولىگىمەن سيناگوگاعا سوقتىعىسىپ، كەيىن قاۋىپسىزدىك قىزمەتكەرلەرىنىڭ وعىنان قازا تاپتى. بۇل تۋرالى جەرگىلىكتى پوليسيا مالىمدەدى. وقيعا دەترويت ماڭىنداعى ۋەست-بلۋمفيلد قالاسىنداعى Temple Israel سيناگوگاسىندا بولدى. بۇل عيماراتتا بالاباقشا مەن مەكتەپ تە ورنالاسقان.

بۇل تۋرالى Infohub.kz اقپارات اگەنتتىگى حابارلايدى.

پوليسيانىڭ حابارلاۋىنشا، كولىك سيناگوگانىڭ قاقپاسىن بۇزىپ ءوتىپ، عيماراتقا كىرگەن. وقيعا كەزىندە عيماراتتا قىزمەتكەرلەر بولعان. قاۋىپسىزدىك قىزمەتكەرلەرى كۇدىكتىگە وق جاۋدىرىپ، ول وقيعا ورنىندا كوز جۇمدى. كولىكتىڭ ارتقى جاعىنان كوپ مولشەردە جارىلعىش زاتتار تابىلعان.

بۇل وقيعا اقش-تا ەۆرەي قاۋىمداستىعىنا جاسالىپ جاتقان شابۋىلداردىڭ كوبەيىپ كەتۋىنە بايلانىستى الاڭداۋشىلىق تۋدىرىپ وتىر. سوڭعى كەزدەرى سيناگوگالار مەن ەۆرەي مەكتەپتەرىندە قاۋىپسىزدىك شارالارى كۇشەيتىلگەن.