InfoHub Logo

اقتاۋ قالاسىنىڭ تۇرعىندارى قاڭتار ايىندا كوممۋنالدىق قىزمەتتەرگە ارنالعان قاعاز تۇبىرتەكتەردى الماعان. بۇل ماسەلە بويىنشا «كاسپيي جىلۋ، سۋ ارناسى» مەملەكەتتىك كوممۋنالدىق كاسىپورنى تۇسىنىكتەمە بەردى.

بۇل تۋرالى Infohub.kz اقپارات اگەنتتىگى حابارلايدى.

سيفرلاندىرۋعا قاراماستان، قاعاز تۇبىرتەكتەر ءالى دە سۇرانىسقا يە. سەبەبى، وندا ناقتى تاريف پەن تۇتىنىلعان كولەم كورسەتىلەدى. بۇل تۇتىنۋشىلارعا تولەم جاساۋ كەزىندە قىزمەت كولەمىن انىق كورۋگە مۇمكىندىك بەرەدى.

جاڭا مەردىگەر ىزدەستىرىلۋدە

«كاسپيي جىلۋ، سۋ ارناسى» كاسىپورنى تۇبىرتەكتەردى باسىپ شىعارۋ جانە تاراتۋ جۇمىستارىن جۇرگىزۋ ءۇشىن جەتكىزۋشىنى انىقتاۋ بويىنشا جۇمىستاردى اياقتاعانىن حابارلادى. قازىرگى تاڭدا جەڭىمپاز انىقتالىپ، كەلىسىمشارت جاساۋ ءۇشىن زاڭدى راسىمدەر جۇرگىزىلۋدە.

كەلىسىمشارتقا قول قويىلعاننان كەيىن، جاڭا مەردىگەر ابونەنتتەرگە تۇبىرتەكتەردى جەتكىزە باستايدى. ۋاقىتشا قاعاز نۇسقالارىن 10-شى ىقشام اۋدانى، 1ء-ۇي، 2-قابات، «كليەنتتەرگە قىزمەت كورسەتۋ ورتالىعىنان» الۋعا بولادى. ول 08:30-دان 17:30-عا دەيىن، №10، 19، 22، 23 تەرەزەلەردە جۇمىس ىستەيدى.

كونكۋرس ناتيجەسى

مەملەكەتتىك ساتىپ الۋ پورتالىنىڭ مالىمەتىنشە، «كجسا» تاپسىرىس بەرۋشىسى بولعان «ەسەپ-شوتتاردى باسىپ شىعارۋ جانە جەتكىزۋ قىزمەتى» لوتى بويىنشا كونكۋرس 17 اقپاندا اياقتالعان. كونكۋرستا ورال قالاسىندا تىركەلگەن «ITMage» كومپانياسى جەڭىمپاز اتاندى. جوسپارلانعان سوما – 6 832 980 تەڭگە.

اتالعان سوماعا كومپانيا 2026 جىلى اقتاۋ قالاسىنداعى جەكە جانە زاڭدى تۇلعالارعا، سونداي-اق جەكە تۇرعىن ءۇي قۇرىلىستارىنا (جتق) اي سايىنعى 15-ىنە دەيىن ەسەپ-شوتتاردى باسىپ شىعارىپ، جەتكىزۋى ءتيىس.

بۇعان دەيىن اقتاۋ تۇرعىندارىنان جارىق پەن سۋعا تولەنەتىن شوتتاردىڭ اسىرا سىلتەلگەن سومالارىنا قاتىستى شاعىمدار تۇسكەن بولاتىن.