InfoHub Logo

ماحابباتتىڭ ءتىلى جوق دەمەكشى، اقتاۋدا ءارتۇرلى ەلدەن، مادەنيەتتەن كەلگەن جۇپتاردىڭ ءبىر-بىرىن تاۋىپ، باقىتتى وتباسىن قۇرعاندارى تالاي. بۇل ماقالادا ءبىز وسىنداي ەرەكشە ماحاببات حيكايالارىنا توقتالامىز.

بۇل تۋرالى Infohub.kz اقپارات اگەنتتىگى حابارلايدى.

ماريا مەن ارينزە: سولتۇستىك كيپردەن باستالعان ماحاببات

ماريا مەن ارينزە 2013 جىلى سولتۇستىك كيپردە تانىسقان. اقتاۋدان ءبىلىم الۋعا كەلگەن ماريا مەن نيگەريادان ۋنيۆەرسيتەتتە وقۋعا كەلگەن ارينزە العاشقىدا «ۆكونتاكتە» جەلىسى ارقىلى ونلاين حابارلاسقان. ناقتى كەزدەسۋدەن كەيىن ولار بىر-بىرىنە دەگەن ىقىلاستارىنىڭ تەز ارادا رومانتيكالىق سەزىمگە ۇلاسقانىن بايقاعان. 2023 جىلدىڭ قىركۇيەگىندە جۇپ شاڭىراق كوتەردى. ءقازىر ماريا – 29، ارينزە – 31 جاستا.

ارينزەدىڭ ايتۋىنشا، كيپرگە كەلگەندە قولىندا نەبارى 50 دوللارى بولعان. ءبىراق جاستىق شاقتىڭ جىگەرى مەن بولاشاققا دەگەن امبيسياسى ونى العا جەتەلەگەن.

نادەجدا مەن حيتەش: تەڭىز جاعالاۋىنان تابىلعان ماحاببات

نادەجدا مەن حيتەش اقتاۋدىڭ تەڭىز جاعالاۋىندا كەزدەسكەن. سول كەزدە نادەجدا 18، حيتەش 26 جاستا بولعان. العاشقىدا دوستار بولىپ، بىرگە جۇگىرىپ، بىر-بىرىنە قولداۋ كورسەتكەن جۇپ، جارتى جىلدان كەيىن اراداعى سەزىمنىڭ تەرەڭدەگەنىن سەزىنگەن. حيتەشتىڭ جىگەرلى ارەكەتى نادەجدانى امەريكاداعى ستاجيروۆكادان كەيىن اقتاۋعا قايتارۋعا سەبەپ بولعان.

بۇگىندە ولار 19 جىلدان بەرى نەكەدە تۇرىپ، ءۇش بالا تاربيەلەپ وتىر. ولاردىڭ قارىم-قاتىناسىنىڭ نەگىزى – اعىلشىن تىلىندەگى اڭگىمەلەر مەن ءوزارا تۇسىنىستىك.

يحۆا مەن ميراس: Instagram-داعى كەزدەسۋ

تايلاندتىق يحۆا مەن قازاقستاندىق ميراس Instagram جەلىسىندە تانىسقان. اعىلشىن ءتىلىن بىرگە وقىعان ولار العاشقىدا تەك اۋدارماشى ارقىلى سويلەسسە، كەيىن اراداعى سەزىمدەرى ماحابباتقا ۇلاسقان. 2024 جىلدىڭ قازان ايىندا ميراس يحۆاعا ۇيلەنۋ تۋرالى ۇسىنىس جاساپ، ونى ماڭعىستاۋعا الىپ كەلگەن. ءقازىر ولاردىڭ ءبىر بالاسى بار.

يحۆانىڭ ايتۋىنشا، ميراستىڭ ادالدىعى مەن قامقورلىعى ونى باۋراپ العان. ال ميراس ءۇشىن يحۆانىڭ حاريزماسى مەن سىيلاستىعى ەرەكشە بولعان.