تۋرار كازانگاپوۆ
اقتاۋداعى جاس ساربازدىڭ ءولىمى: ءبولىم كومانديرى سوتقا تارتىلىپ، وفيسەرلەر قىزمەتىنەن بوساتىلدى
اقتاۋداعى اسكەري ءبولىم كومانديرىنىڭ قىزمەتىندەگى نەمقۇرايلىلىعى سالدارىنان جاس سارباز قازا تاپتى. بۇل تۋرالى باس پروكۋراتۋرانىڭ مالىمەتىنە سۇيەنىپ، Infohub.kz اقپارات اگەنتتىگى حابارلايدى.
قازىرگى ۋاقىتتا اقتاۋ گارنيزونىنداعى اسكەري بولىمدەردىڭ ءبىرىنىڭ كومانديرىنىڭ قىزمەتتىك مىندەتتەرىن ورىنداماۋى بويىنشا قوزعالعان قىلمىستىق ءىس بويىنشا تەرگەۋ اياقتالدى. بۇل جاعداي 17 اقپاندا بولعان.
ساربازدىڭ ولىمىنە كومانديردىڭ سالعىرتتىعى سەبەپ بولعان
تەرگەۋ بارىسىندا ءبولىم كومانديرىنىڭ اسكەري جارلىقتار مەن بۇيرىقتاردا كورسەتىلگەن قاجەتتى شارالاردى قابىلداماعانى انىقتالدى. ول جەكە قۇرامدى باقىلاۋ مەن قارۋدى قولدانۋ ءتارتىبىن قاداعالاماعان، بۇل تراگەدياعا اكەلىپ سوقتىردى.
اسكەري پروكۋرورلار مەن جەدەل-تەرگەۋ توبىنىڭ جۇمىسى ناتيجەسىندە جەتكىلىكتى دالەلدەمەلەر جينالىپ، قاجەتتى ساراپتامالار جۇرگىزىلدى. قىلمىستىق ءىس ءمانى بويىنشا قاراۋ ءۇشىن سوتقا جىبەرىلدى.
وفيسەرلەر قىزمەتىنەن بوساتىلدى
بۇل وقيعادان كەيىن بارلاۋ-شابۋىل باتالونىنىڭ كومانديرى، ونىڭ ورىنباسارى جانە روتا كومانديرى قىزمەتتەرىنەن بوساتىلدى. سونىمەن قاتار، 10 لاۋازىمدى تۇلعا تارتىپتىك جاۋاپكەرشىلىككە تارتىلدى.
باس اسكەري پروكۋراتۋرا اسكەري قىزمەتشىلەردىڭ ولىمىنە اكەپ سوقتىراتىن قىلمىستار ءۇشىن جازانىڭ بۇلتارتپاۋ ءپرينسيپىن قامتاماسىز ەتۋ بويىنشا جۇمىستى جالعاستىراتىنىن مالىمدەدى.
-
ۆ اتىراۋسكوي وبلاستي پرەكراششەنو ۋگولوۆنوە پرەسلەدوۆانيە ۆ وتنوشەنيي اكبايان مۋكانگالييەۆوي، پودوزريەۆاۆشەيسيا ۆ ۋبييستۆە رودستۆەننيكوۆ مۋجا. ەە نەپريچاستنوست ۋستانوۆلەنا.
-
اتىراۋ وبلىسىندا قايىن جۇرتىن ءولتىردى دەگەن كۇدىككە ىلىنگەن اقبايان مۇقانعالييەۆاعا قاتىستى قىلمىستىق قۋدالاۋ توقتاتىلدى. ونىڭ ءىس بويىنشا كىناسى انىقتالمادى.
