InfoHub Logo

اقتاۋ تۇرعىندارى ءۇشىن قۋانىشتى جاڭالىق! ەندى قالادان رەسەيدىڭ استراحان قالاسىنا تىكەلەي اۆتوبۋس قاتىنايتىن بولدى. بۇل باعىت 20 ناۋرىزدان باستاپ جولاۋشىلاردى تاسىمالدايدى.

بۇل تۋرالى Infohub.kz اقپارات اگەنتتىگى حابارلايدى.

جاڭا باعىتتىڭ ەرەكشەلىكتەرى

العاشقى رەيس 20 ناۋرىزدا ساعات 10:00-دە اقتاۋداعى «ماڭگىلىك الاۋ» ەسكەرتكىشىنەن (7ء-شى ىقشام اۋدان) باستالادى. جولاۋشىلار تاسىمالىمەن «Taxi Star» كومپانياسى اينالىسادى. ساپار 18 ساعاتقا سوزىلادى.

استراحانعا باراتىن ىڭعايلى اۆتوبۋس 45 جولاۋشىعا ارنالعان Higer ماركالى كولىك بولادى.

قايتار جول جانە كەلەسى رەيستەر

استراحاننان اقتاۋعا قايتار جولعى رەيس 22 ناۋرىزدا جەرگىلىكتى ۋاقىت بويىنشا ساعات 10:00-دە جوسپارلانعان. استراحانداعى جولاۋشىلاردى وتىرعىزۋ مەكەنى: ءبىرىنشى پەريەۆوزنايا كوشەسى، №120 ءۇي ماڭى (تەمىرجول ۆوكزالىنىڭ ارتىندا).

ءساۋىر ايىنان باستاپ بۇل باعىت تۇراقتى تۇردە جۇمىس ىستەيدى. اقتاۋدان ءاربىر جۇما سايىن، ال استراحاننان ءاربىر جەكسەنبى سايىن اۆتوبۋستار قاتىنايتىن بولادى.

بيلەت قۇنى جانە قوسىمشا اقپارات

ەرەسەكتەرگە ارنالعان ءبىر جاقتى بيلەت قۇنى – 30 000 تەڭگە. بالالار ءۇشىن (12 جاسقا دەيىن) بيلەت باعاسى – 22 000 تەڭگە.

بەلگىلەنگەن نورمادان ارتىق جۇك تاسىمالداۋ ءۇشىن ءار كيلوگرامى ءۇشىن 350 تەڭگە قوسىمشا اقى الىنادى.

بيلەتتەردى ساتىپ الۋ جانە باسقا دا سۇراقتار بويىنشا كەلەسى تەلەفونعا حابارلاسۋعا بولادى: +7 (705) 344-11-22.